బంగ్లాదే సిరీస్‌

చట్టోగ్రామ్‌: జింబాబ్వేతో అయిదు టీ20ల సిరీస్‌ను బంగ్లాదేశ్‌ మరో రెండు మ్యాచ్‌లు ఉండగానే సొంతం చేసుకుంది. మంగళవారం మూడో టీ20లో 9 పరుగుల తేడాతో జింబాబ్వేను ఓడించింది. మొదట బంగ్లాదేశ్‌ 5 వికెట్లకు 165 పరుగులు చేసింది. తౌహిద్‌ హృదోయ్‌ (57; 38 బంతుల్లో 3×4, 2×6), జకీర్‌ అలీ (44; 34 బంతుల్లో 3×4, 2×6) రాణించారు. ముజరబాని (3/14) ప్రత్యర్థిని కట్టడి చేశాడు. సైఫుద్దీన్‌ (3/42), రిషాద్‌ (2/38) విజృంభించడంతో ఛేదనలో జింబాబ్వే 156/9కే పరిమితమైంది. పదో నంబర్‌ బ్యాటర్‌ ఫరాజ్‌ అక్రమ్‌ (34 నాటౌట్‌; 19 బంతుల్లో 2×4, 2×6) టాప్‌ స్కోరర్‌. ఓపెనర్‌ మరుమని (31; 26 బంతుల్లో 2×4, 1×6) కూడా రాణించాడు. జింబాబ్వే ఒక దశలో 91కే 8 వికెట్లు కోల్పోయినా.. ఫరాజ్‌, మసకద్జ (13)తో కలిసి పోరాడడంతో జింబాబ్వే (18 బంతుల్లో 36) పోటీలోకి వచ్చింది. కానీ ఆఖËర్లో తడబడి ఓటమి చవిచూసింది.