Team India: లోడ్.. ఎయిమ్.. షూట్... ప్రపంచకప్ ముంగిట సమసిపోతున్న భారత్ సమస్యలు
బెంచ్ స్ట్రెంగ్త్... ఏ జట్టుకైనా ఇది చాలా అవసరం. ఒకరు అందుబాటులో లేకపోతే ఇంకొకరు అనేలా ఉండాలి. ప్రపంచ కప్ (Odi world cup 2023) ముందు భారత్ (Team India)కు ఇప్పుడు అలాంటి బెంచ్ స్ట్రెంగ్త్ దొరికింది. దీంతో టీమ్ ఇండియాలో ఇన్నాళ్లు ఉన్న సమస్యలు పోతున్నాయ్.
వన్డే ప్రపంచకప్ (ODI World Cup 2023) తరుముకొస్తుండగా.. వేరే జట్లు ఓవైపు పూర్తి సన్నద్ధతతో కనిపిస్తుంటే.. టీమ్ఇండియా (Team India) మాత్రం ప్రపంచకప్ జట్టును ఖరారు చేయలేక.. ఆటగాళ్ల ఫిట్నెస్, ఫామ్ విషయంలో కంగారు పడుతూ.. ఎవరిని ఎక్కడ ఆడించాలో తెలియక అయోమయ స్థితిలో కనిపించింది కొన్ని వారాల ముందు వరకు. కానీ కప్పు సమీపిస్తున్న కొద్దీ ఒక్కో సమస్య పరిష్కారమైపోతోంది. ఈ మెగా టోర్నీ మొదలయ్యే సమయానికి టీమ్ఇండియా హాట్ ఫేవరెట్గా మారడం ఖాయంగా కనిపిస్తోంది.
కేఎల్ రాహుల్, శ్రేయస్ అయ్యర్ల ఫిట్నెస్, ఫామ్ మీద సందేహాలు.. వాళ్లిద్దరినీ ప్రపంచకప్కు ఎంపిక చేయాలో వద్దో తెలియదు.. వీళ్లు అందుబాటులో లేకుంటే ప్రత్యామ్నాయాలేంటో తెలియదు.. ఫినిషర్గా ఉపయోగపడతాడనుకున్నా సూర్యకుమార్ వన్డేల్లో సత్తా చాటలేక ఇబ్బంది పడుతున్నాడు. మరోవైపు బుమ్రా ఫిట్నెస్ మీదా అనుమానాలే. బుమ్రా అందుబాటులోకి వచ్చినా.. జట్టులో మూడో పేసర్గా ఎవరిని ఎంచుకోవాలో తెలియని గందరగోళం.. ఇలా ఒక నెల కిందట టీమ్ఇండియాకు ఎన్నో తలనొప్పులు. సొంతగడ్డపై జరిగే ప్రపంచకప్లో విజేతగా నిలుస్తుందని అభిమానులు ఎన్నో ఆశలు పెట్టుకుంటే.. అంతర్గత సమస్యలతో సతమతమవుతూ కనిపించింది భారత్. కానీ ఈ నెల రోజుల్లో ఒక్కొక్కటిగా సమస్యలు పరిష్కారం అయిపోవడం జట్టు ఆత్మవిశ్వాసాన్ని పెంచుతోంది. ‘ఆర్ఆర్ఆర్’ సినిమాలో ‘లోడ్.. ఎయిమ్.. షూట్’ డైలాగ్ తరహాలో ఒక్కో సమస్యను లక్ష్యంగా చేసుకుని పరిష్కరించుకుంటూ ముందుకు సాగుతోంది టీమ్ఇండియా.
భరోసానిచ్చిన బుమ్రా..
రెండేళ్ల ముందు ప్రపంచంలోనే అత్యుత్తమ పేస్ దళంగా పేరు తెచ్చుకుంది భారత ఫాస్ట్బౌలింగ్ విభాగం. కానీ ప్రధాన పేసర్ బుమ్రా గాయపడి జట్టుకు దూరం కావడంతో మన పేస్ విభాగం ఒక్కసారిగా బలహీన పడింది. పేస్ దళపతి అందుబాటులో లేకపోయేసరికి మిగతా బౌలర్లూ జావగారి పోయారు. గత ఏడాది టీ20 ప్రపంచకప్కు భరోసానిచ్చే బౌలర్లు లేక చాన్నాళ్లుగా టీ20 జట్టులో లేని షమి, భువనేశ్వర్లను నమ్ముకోవాల్సి వచ్చింది. వెన్ను గాయంతో సుదీర్ఘ కాలం ఆటకు దూరమైన బుమ్రా.. ఈ ఏడాది వన్డే ప్రపంచకప్నకు అయినా అందుబాటులో ఉంటాడా లేదా అని అభిమానులు కంగారు పడ్డారు. ఐతే అతను గత నెలలో ఫిట్నెస్ సాధించి ఐర్లాండ్ పర్యటనకు కెప్టెన్గా వెళ్లాడు. అక్కడ ఫిట్నెస్, ఫామ్ చాటుకుని జట్టుకు కొండంత భరోసానిచ్చాడు.
ఆసియాకప్లోనూ అతను నిలకడగా బౌలింగ్ చేశాడు. అతడి భాగస్వామ్యంలో సిరాజ్ సైతం ఉత్తమ ప్రదర్శన చేశాడు. ఆసియా కప్ ఫైనల్లో అతనెంతగా రెచ్చిపోయాడో తెలిసిందే. ఐతే వీళ్లిద్దరికీ తోడుగా మూడో పేసర్ ఎవరిని దించాలా అన్న ప్రశ్న తలెత్తింది. కొన్ని మ్యాచ్ల్లో శార్దూల్ ఠాకూర్ను ఆడిస్తే అతను నిరాశపరిచాడు. మధ్యలో షమికి అవకాశం వచ్చినా ఉపయోగించుకోలేదు. ఆసియా కప్లో ఈ ప్రశ్నకు జవాబు దొరకలేదు. కానీ ఆస్ట్రేలియాతో ఇటీవలే మొదలైన వన్డే సిరీస్లో సమాధానం దొరికేసింది. మొహాలిలో రెచ్చిపోయి బౌలింగ్ చేసిన షమి.. 5 వికెట్లతో అదరగొట్టాడు. దీంతో అతనే మూడో పేసర్గా ఖరారైపోయాడు. దీంతో భారత పేస్ విభాగం పటిష్టంగా తయారైంది.
ఒక్కొక్కరుగా గాడిలోకి..
బ్యాటింగ్లో కూడా టీమ్ఇండియా సమస్యలు గత కొన్ని రోజుల్లోనే ఒక్కొక్కటిగా పరిష్కారం అయిపోయాయి. ఫిట్నెస్ సాధించేశాడు అనుకున్నాక కూడా ఇంకేదో చిన్న గాయమై తనపై సందేహాలు రేకెత్తించిన కేఎల్ రాహుల్.. ఆసియా కప్లో సూపర్-4 దశ నుంచి అందుబాటులోకి రావడమే కాదు.. తొలి మ్యాచ్లోనే చక్కటి ప్రదర్శన చేశాడు. కీలకమైన పాకిస్థాన్ మ్యాచ్లో అజేయ శతకంతో తన పునరాగమనాన్ని ఘనంగా చాటిన అతను.. ఆస్ట్రేలియాతో తొలి రెండు వన్డేల్లో అర్ధశతకాలు సాధించాడు. ఈ మ్యాచ్ల్లో అతను కెప్టెన్గా కూడా తనదైన ముద్ర వేశాడు. వికెట్ కీపింగ్ కూడా చేస్తూ ఫిట్నెస్ పరంగా తనకు ఏ ఇబ్బందులూ లేవని చాటాడు.
రాహుల్ లాగే గాయంతో సుదీర్ఘ కాలం జట్టుకు దూరమై.. ఆసియా కప్లో పునరాగమనం చేశాక కూడా మళ్లీ ఫిట్నెస్ సమస్యలు ఎదుర్కొన్న శ్రేయస్ సైతం.. ఇప్పుడు గాడిన పడ్డాడు. ఆస్ట్రేలియాతో తొలి వన్డేలో అనవసరంగా రనౌటైన అతను.. రెండో వన్డేలో అద్భుత శతకం బాది తనపై నెలకొన్న సందేహాలన్నీ పటాపంచలు చేశాడు. ఇదే మ్యాచ్లో సూర్యకుమార్ కూడా అదరగొట్టాడు. టీ20 మెరుపులు వన్డేల్లో కొనసాగించలేకపోతున్నాడని విమర్శలు ఎదుర్కొన్న అతను.. ఇందౌర్లో తన మార్కు చూపించాడు. తొలి వన్డేలోనూ అతను అర్ధశతకం సాధించి ప్రపంచకప్లో ఫినిషర్ పాత్రకు తనే సరైన వాడినని చాటాడు. ఇలా బ్యాటింగ్ పరంగా కూడా భారత్కు తలనొప్పి తీరిపోయింది.
అనుకోకుండా అశ్విన్..
ఆస్ట్రేలియాతో వన్డే సిరీస్లో భారత్కు హుషారు తెప్పించిన మరో విషయం.. అశ్విన్ అంచనాలను మించి రాణించడం. అసలు కొన్ని రోజుల ముందు వరకు ప్రపంచకప్ ప్రణాళికల్లో అశ్విన్ లేనే లేడు. అతణ్ని సెలక్టర్లు పరిగణనలోకే తీసుకోలేదు. ఏడాదిన్నరగా అశ్విన్ అసలు వన్డేలే ఆడలేదు. కానీ ఆసియా కప్లో అక్షర్ పటేల్ గాయపడటంతో ప్రత్యామ్నాయ ఆటగాడిగా అశ్విన్ను ఎంచుకున్నారు. ఆస్ట్రేలియాపై అతణ్ని ఆడిస్తే.. తొలి వన్డేలో పొదుపుగా బౌలింగ్ చేసి ఒక వికెట్ తీశాడు. రెండో వన్డేలో విజృంభించిన అతను మూడు వికెట్లతో ఆసీస్ పతనాన్ని శాసించాడు. దీంతో ప్రపంచకప్కు అశ్విన్ను ఎంపిక చేయాలన్న డిమాండ్లు పెరిగిపోయాయి.
అక్షర్ కంటే అశ్విన్ మెరుగైన స్పిన్నర్ అని.. జడేజా, కుల్దీప్, అక్షర్ ముగ్గురూ ఎడమ చేతి వాటం స్పిన్నర్లే కాబట్టి.. ఫిట్నెస్ సమస్యలతో ఇబ్బంది పడుతున్న అక్షర్ను తప్పించి అశ్విన్ను ఎంచుకుంటే బౌలింగ్లో వైవిధ్యం కూడా వస్తుందనే అభిప్రాయాలు వ్యక్తమవుతున్నాయి. ప్రస్తుతానికి శార్దూల్ ఠాకూర్ ఒక్కడే జట్టుకు కొంచెం భారంగా కనిపిస్తున్నాడు. అతను వికెట్లు తీయట్లేదు. ధారాళంగా పరుగులూ ఇచ్చేస్తున్నాడు. తన బదులు ఆసీస్తో రెండో వన్డేలో ఆకట్టుకున్న ప్రసిద్ధ్ కృష్ణను ఎంచుకోవడం మంచిదనే చర్చ జరుగుతోంది.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
టీ20 ప్రపంచకప్.. టీమ్ఇండియా జెర్సీ ధరెంతో తెలుసా?
T20 jersey: టీ20 ప్రపంచకప్ టోర్నీకి టీమ్ఇండియా జెర్సీల ధరను అడిడాస్ ప్రకటించింది. -
Team India: పాక్లో ఛాంపియన్స్ ట్రోఫీ.. టీమ్ఇండియా వెళ్తుందా? బీసీసీఐ వైస్ ప్రెసిడెంట్ ఏమన్నారంటే..
వచ్చే ఏడాది ఫిబ్రవరి- మార్చి మధ్య జరగనున్న ఛాంపియన్స్ ట్రోఫీ (Champions Trophy 2025)కి పాకిస్థాన్ ఆతిథ్యమివ్వనుంది. పాక్లో టీమ్ఇండియా పర్యటిస్తుందా లేదా అనే దానిపై సర్వత్రా ఆసక్తి నెలకొంది. -
సరదా సరదాగానే సిక్స్లు బాదేస్తాడు.. అదే స్పిన్ బౌలింగ్లోనైతే..: రవిశాస్త్రి
టీమ్ఇండియా బ్యాటర్ శివమ్ దూబె (Shivam Dube)పై మాజీ కోచ్ రవిశాస్త్రి ప్రశంసల వర్షం కురిపించాడు. వచ్చే టీ20 ప్రపంచకప్లో పవర్ఫుల్ హిట్టింగ్తో అలరిస్తాడని ఆశాభావం వ్యక్తం చేశాడు. -
రోహిత్ శర్మను వరల్డ్ కప్ ట్రోఫీతో చూడాలని ఉంది: యువరాజ్ సింగ్
వచ్చే టీ20 ప్రపంచకప్నకు రోహిత్ శర్మ భారత జట్టులో ఉండటం ఎంతో కీలకమని టీమ్ఇండియా మాజీ ఆల్రౌండర్ యువరాజ్ సింగ్ అభిప్రాయపడ్డాడు. -
ఆ లెక్కలు నాకు తెలియదు.. అతడు మా జట్టులో ఉండటం అదృష్టం: హార్దిక్ పాండ్య
ఈ సీజన్లో పేలవ ప్రదర్శన చేస్తున్న ముంబయి ఇండియన్స్.. సోమవారం సన్రైజర్స్ హైదరాబాద్పై 7 వికెట్ల తేడాతో విజయం సాధించింది. మ్యాచ్ అనంతరం ముంబయి కెప్టెన్ హార్దిక్ పాండ్య మాట్లాడాడు. -
దటీజ్ ధోనీ.. లోయర్ ఆర్డర్లో ఎందుకొస్తున్నాడో తెలుసా..?
ధోనీ లోయర్ ఆర్డర్లో బ్యాటింగ్కు రావడం వెనుక బలమైన కారణం ఉంది. అదేంటో తెలిస్తే.. సీఎస్కే విషయంలో అతడు ఎంత అంకితభావంతో ఉన్నాడో అర్థమవుతుంది. -
రెండుసార్లు విమానం దారి మళ్లింపు.. కోల్కతా ఆటగాళ్లకు తప్పని తిప్పలు
కోల్కతా నైట్రైడర్స్ (Kolkata Knight Riders) ఆటగాళ్లు ప్రయాణిస్తున్న ఛార్టర్డ్ విమానాన్ని ప్రతికూల వాతావరణం కారణంగా రెండుసార్లు దారి మళ్లించారు. -
సన్రైజర్స్పై సూర్యప్రతాపం
ఐపీఎల్-17లో 11 మ్యాచ్లాడి ఎనిమిది ఓడి ఇప్పటికే దాదాపుగా ప్లేఆఫ్స్ రేసు నుంచి నిష్క్రమించిన ముంబయి ఇండియన్స్.. ఇప్పుడు వేరే జట్ల అవకాశాలను దెబ్బ తీసే పనిలో పడింది. ముందుగా ఆ జట్టు సన్రైజర్స్ హైదరాబాద్కు ఝలక్ ఇచ్చింది. -
‘లక్ష్య’ జ్యోతిక అదుర్స్
ప్రపంచ అథ్లెటిక్స్ రిలే పోటీలు. ఒలింపిక్స్లో అర్హత సాధించడానికి భారత్కు ఇదే చివరి అవకాశం. తీవ్ర ఒత్తిడిలో బరిలో దిగింది మహిళల జట్టు. ఆరంభంలో పోటీ చూస్తే ఒలింపిక్స్కు అర్హత కష్టమే అనిపించింది. అయితే.. రెండో లెగ్లో బ్యాటన్ అందుకున్న తెలుగమ్మాయి దండి జ్యోతికశ్రీ కథ మార్చేసింది. -
ఇది హైబ్రిడ్ రకం!
హైబ్రిడ్ కూరగాయలు, హైబ్రిడ్ పండ్ల గురించి వింటుంటాం.. చూస్తుంటాం! కానీ ఇప్పుడు ‘హైబ్రిడ్ పిచ్’ అనే కొత్త మాట తెరపైకి వచ్చింది. పిచ్లో హైబ్రిడ్ ఏంటి..? అని ఆశ్చర్యం కలుగుతోందా? అదే విశేషం. -
43 ఏళ్ల వయసులో.. పొట్టి కప్పులో
అత్యంత పెద్ద వయసులో టీ20 ప్రపంచకప్లో ఆడిన ఆటగాడిగా ఉగాండా ఆఫ్స్పిన్నర్ ఫ్రాంక్ సుబుగా రికార్డు సృష్టించనున్నాడు. టోర్నీ కోసం సోమవారం ఉగాండా క్రికెట్ సంఘం ప్రకటించిన 15 మంది సభ్యుల జట్టులో 43 ఏళ్ల సుబుగాకు చోటు దక్కింది. -
టీమ్ఇండియా టీ20 ప్రపంచకప్ జెర్సీ ఇదే
టీ20 ప్రపంచకప్ కోసం టీమ్ఇండియా అధికారిక టీ20 జెర్సీని బీసీసీఐ సోమవారం ఆవిష్కరించింది. జెర్సీ నీలం, నారింజ రంగుల్లో ఉంది. టోర్నీ జూన్ 2న ఆరంభం కానుంది. -
నరైన్ నవ్వడెందుకు.. సహచరులు చెప్పిన విశేషాలు..!
మైదానంలో సునీల్ నరైన్ చాలా కామ్గా సీరియస్గా ఉండటాన్ని ఫ్యాన్స్ గమనించే ఉంటారు. వికెట్లు తీసినా పెద్దగా ఆవేశపడకుండా.. ప్రశాంతంగా కనిపిస్తాడు. దీనిపై అతడి సహచరులు చెప్పిన ఆసక్తికర విషయాలు.. -
టీ20 వరల్డ్ కప్ జెర్సీ రివీల్.. మాకు ముందే తెలుసంటూ నెటిజన్స్ ట్రోల్స్!
టీ20 వరల్డ్కప్నకు సంబంధించి టీమిండియా జెర్సీని అడిడాస్ ఆవిష్కరించింది. మే 7 నుంచి స్టోర్లలో లభిస్తాయని వెల్లడించింది.
తాజా వార్తలు (Latest News)
-
టీ20 ప్రపంచకప్.. టీమ్ఇండియా జెర్సీ ధరెంతో తెలుసా?
-
నేహాశెట్టి ‘ఎమోషన్స్’.. పుస్తకంతో మాళవిక మోహనన్
-
ఆస్ట్రేలియా హెలికాప్టర్పై నిప్పుల వర్షం.. చైనా దుందుడుకు చర్య
-
Team India: పాక్లో ఛాంపియన్స్ ట్రోఫీ.. టీమ్ఇండియా వెళ్తుందా? బీసీసీఐ వైస్ ప్రెసిడెంట్ ఏమన్నారంటే..
-
ఒకే ఫ్రేమ్లో ఇద్దరు సీఈఓలు.. సుందర్ పిచాయ్ గ్రాడ్యుయేషన్ ఫొటో వైరల్
-
చేతులూ కాళ్లూ కట్టేసి సిగరెట్లతో భర్తకు వాతలు.. వీడియోతో పోలీస్స్టేషన్కు బాధితుడు!