INDW vs SLW: శ్రీలంకపై హర్మన్‌ప్రీత్‌ కౌర్‌ టీమ్‌ ఘన విజయం.. సిరీస్‌ సొంతం

(Photo: BCCI Women Twitter)

పల్లెకెలె: శ్రీలంక మహిళలతో జరిగిన రెండో వన్డేలో హర్మన్‌ప్రీత్‌ కౌర్‌ టీమ్‌ ఘన విజయం సాధించింది. ఆతిథ్య జట్టు నిర్దేశించిన 174 పరుగుల స్వల్ప లక్ష్యాన్ని భారత మహిళల జట్టు ఒక్క వికెట్‌ కూడా కోల్పోకుండానే ఛేదించింది. ఓపెనర్లు షెఫాలీ వర్మ (71; 71 బంతుల్లో 4x4, 1x6), స్మృతి మంధాన (94; 83 బంతుల్లో 11x4, 1x6) నిలకడగా ఆడి 25.4 ఓవర్లలో లక్ష్యాన్ని పూర్తి చేశారు. దీంతో రెండో వన్డేలోనూ భారత్‌ విజయం సాధించి 2-0 తేడాతో సిరీస్‌ను సొంతం చేసుకుంది. ఇక గురువారం ఫైనల్‌ మ్యాచ్‌ జరగనుంది. మరోవైపు ఇంతకుముందు భారత మహిళలు టీ20 సిరీస్‌ కూడా సొంతం చేసుకున్న సంగతి తెలిసిందే.