Breaking | Feedback | ePratibha | E-PAPER | Pratibha

Team India: ఇంగ్లాండ్‌పై 4-1తో సిరీస్‌ కైవసం.. నాలుగింటిలోనూ టీమ్‌ఇండియానే టాప్

టీమ్‌ఇండియా జోరు మీదుంది. ఇప్పటికే ఇంగ్లాండ్‌ను చిత్తు చేసిన భారత్ (IND vs ENG).. ఐసీసీ ర్యాంకుల్లోనూ దూసుకుపోతోంది.

Published : 10 Mar 2024 13:25 IST

ఇంటర్నెట్ డెస్క్‌: యువకులతో కూడిన టీమ్‌ఇండియా (Team India) ఐదు టెస్టుల సిరీస్‌లో ఇంగ్లాండ్‌ను 4-1 తేడాతో చిత్తు చేసిన సంగతి తెలిసిందే. హైదరాబాద్‌ టెస్టులో మినహా.. వైజాగ్‌, రాజ్‌కోట్, రాంచీ, ధర్మశాల వేదికగా జరిగిన మ్యాచుల్లో భారత్‌ విజయాలను నమోదు చేసింది. దీంతో తాజాగా ఐసీసీ ర్యాంకుల్లోనే భారత్ దూసుకొచ్చింది. టెస్టు ర్యాంకింగ్స్‌లో టీమ్‌ఇండియా అగ్రస్థానానికి చేరుకుంది. ప్రస్తుతం భారత్ 122 పాయింట్లతో టాప్‌ ర్యాంక్‌ను అందుకోగా.. ఆస్ట్రేలియా (117) రెండో స్థానంలో ఉంది. భారత్‌ చేతిలో సిరీస్‌ను కోల్పోయినప్పటికీ ఇంగ్లాండ్‌ (111) మాత్రం మూడో స్థానంలో ఉండటం గమనార్హం. న్యూజిలాండ్‌ (101), దక్షిణాఫ్రికా (99) ఆ తర్వాత స్థానాల్లో కొనసాగుతున్నాయి.

ఇప్పటికే వన్డేలు, టీ20ల్లోనూ భారత్‌దే టాప్‌ ర్యాంక్. ప్రపంచ టెస్టు ఛాంపియన్‌షిప్ పాయింట్ల పట్టికలోనూ టీమ్‌ఇండియా (68.56 శాతం) మొదటి స్థానంలో ఉంది. న్యూజిలాండ్‌ (60), ఆసీస్ (59.09) ఆ తర్వాత స్థానాల్లో నిలిచాయి. ఇప్పుడు టెస్టు ర్యాంక్‌తో కలిపి నాలుగింట్లోనూ టీమ్‌ఇండియా అగ్రస్థానం దక్కించుకోవడం విశేషం. వన్డేల్లో భారత్ (121), ఆస్ట్రేలియా (118), దక్షిణాఫ్రికా (110), పాకిస్థాన్ (109), న్యూజిలాండ్‌ (102) టాప్‌ -5లో ఉన్నాయి. టీ20 ఫార్మాట్‌ విషయానికొస్తే.. భారత్ (266), ఇంగ్లాండ్ (256), ఆస్ట్రేలియా (255), న్యూజిలాండ్ (254), పాకిస్థాన్ (249) మొదటి ఐదు ర్యాంకులను దక్కించుకున్నాయి.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.