Tilak Varma: ఆసియా కప్నకు ఎంపికైనందుకు సంతోషంగా ఉంది.. అక్కడ కూడా రాణించాలనుకుంటున్నా: తిలక్ వర్మ
ఆసియా కప్నకు ఎంపికైనందుకు చాలా సంతోషంగా ఉందని, అక్కడ కూడా బాగా రాణించాలనుకుంటున్నానని టీమ్ఇండియా యువ బ్యాటర్ తిలక్ వర్మ (Tilak Varma) పేర్కొన్నాడు.
ఇంటర్నెట్ డెస్క్: ఆగస్టు 30 నుంచి ఆసియా కప్ 2023 (Asia Cup 2023) ప్రారంభంకానుంది. ఆరు దేశాలు పాల్గొనే ఈ మినీ టోర్నీ కోసం టీమ్ఇండియా నిన్న (ఆగస్టు 21న) జట్టును ప్రకటించింది. రోహిత్ శర్మ (Rohit Sharma) కెప్టెన్గా 17 మందితో కూడిన జట్టులో హైదరాబాదీ కుర్రాడు తిలక్ వర్మ (Tilak Varma) చోటు దక్కించుకున్నాడు. ఆసియా కప్నకు ఎంపికకావడంపై తిలక్ వర్మ హర్షం వ్యక్తం చేస్తూ.. తనకు మద్దతుగా నిలిచి నమ్మకం ఉంచిన కెప్టెన్ రోహిత్ శర్మకు కృతజ్ఞతలు తెలిపాడు. ఐపీఎల్లో రోహిత్ సారథ్యంలోని ముంబయి ఇండియన్స్ తరఫున గత రెండు సీజన్లలో తిలక్ వర్మ అదరగొట్టిన సంగతి తెలిసిందే. ఆ సమయంలో రోహిత్, తిలక్కు మధ్య మంచి అనుబంధం ఏర్పడింది. ముఖ్యంగా క్లిష్ట పరిస్థితుల్లో బ్యాటింగ్కు వచ్చి జట్టును ఆదుకోవడం హిట్మ్యాన్ను ఎంతో ఆకర్షించింది. రోహిత్ శర్మ తనకు ఎల్లప్పుడూ ఎలా మద్దతుగా నిలిచాడు, ఎలా ప్రోత్సాహించాడు అనే విషయాలను తిలక్ వర్మ తాజాగా బీసీసీఐ చేసిన ఇంటర్వ్యూలో వెల్లడించాడు.
ఆ ఐదు సిక్స్లు నా జీవితాన్ని మార్చేశాయి: రింకూ సింగ్
‘‘రోహిత్ భయ్యా ఎల్లప్పుడూ నాకు మద్దతుగా నిలిచాడు. నేను ఐపీఎల్లో ఆడుతున్నప్పుడు కూడా అతను నా దగ్గరకు వచ్చి మాట్లాడేవాడు. నా ఐపీఎల్లో కెరీర్ ప్రారంభ దశలో కొంచెం భయపడ్డాను. దీంతో రోహిత్ శర్మ స్వయంగా నా దగ్గరకు వచ్చి ఆట గురించి మాట్లాడాడు. ఎల్లప్పుడూ నీ ఆటను ఆస్వాదించు, ఒత్తిడి లేకుండా ఫ్రీగా ఉండు అని ఎంకరేజ్ చేశాడు. నువ్వు ఎప్పుడు మాట్లాడాలనుకున్నా నా దగ్గరికి ఏ సమయంలోనైనా రావచ్చు లేదా మెసేజ్ చేయొచ్చు. నేను నీకు అండగా ఉంటానని రోహిత్ చెప్పాడు. అతనితో తరచూ మాట్లాడతా. ఐపీఎల్లో నా ఆటతీరును ప్రదర్శించా. ప్రతిచోటా అలాగే ఆడతా. ఆసియా కప్నకు ఎంపికైనందుకు చాలా సంతోషంగా ఉంది. అక్కడ కూడా బాగా రాణించాలనుకుంటున్నా’’ అని తిలక్ వర్మ వివరించాడు. ఇటీవల వెస్టిండీస్తో ముగిసిన ఐదు టీ20ల సిరీస్లో తిలక్ వర్మ 173 పరుగులు చేశాడు. వరుసగా మూడు మ్యాచ్ల్లో 30 కంటే ఎక్కువ పరుగులు సాధించి సెలక్టర్ల దృష్టిలో పడి ఆసియా కప్నకు ఎంపికయ్యాడు. అతడు ఆసియా కప్లోనూ సత్తా చాటితే వన్డే ప్రపంచకప్ జట్టులో ఉండే అవకాశాలు మెండుగా ఉన్నాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సన్రైజర్స్పై సూర్యప్రతాపం
ఐపీఎల్-17లో 11 మ్యాచ్లాడి ఎనిమిది ఓడి ఇప్పటికే దాదాపుగా ప్లేఆఫ్స్ రేసు నుంచి నిష్క్రమించిన ముంబయి ఇండియన్స్.. ఇప్పుడు వేరే జట్ల అవకాశాలను దెబ్బ తీసే పనిలో పడింది. ముందుగా ఆ జట్టు సన్రైజర్స్ హైదరాబాద్కు ఝలక్ ఇచ్చింది. -
‘లక్ష్య’ జ్యోతిక అదుర్స్
ప్రపంచ అథ్లెటిక్స్ రిలే పోటీలు. ఒలింపిక్స్లో అర్హత సాధించడానికి భారత్కు ఇదే చివరి అవకాశం. తీవ్ర ఒత్తిడిలో బరిలో దిగింది మహిళల జట్టు. ఆరంభంలో పోటీ చూస్తే ఒలింపిక్స్కు అర్హత కష్టమే అనిపించింది. అయితే.. రెండో లెగ్లో బ్యాటన్ అందుకున్న తెలుగమ్మాయి దండి జ్యోతికశ్రీ కథ మార్చేసింది. -
ఇది హైబ్రిడ్ రకం!
హైబ్రిడ్ కూరగాయలు, హైబ్రిడ్ పండ్ల గురించి వింటుంటాం.. చూస్తుంటాం! కానీ ఇప్పుడు ‘హైబ్రిడ్ పిచ్’ అనే కొత్త మాట తెరపైకి వచ్చింది. పిచ్లో హైబ్రిడ్ ఏంటి..? అని ఆశ్చర్యం కలుగుతోందా? అదే విశేషం. -
43 ఏళ్ల వయసులో.. పొట్టి కప్పులో
అత్యంత పెద్ద వయసులో టీ20 ప్రపంచకప్లో ఆడిన ఆటగాడిగా ఉగాండా ఆఫ్స్పిన్నర్ ఫ్రాంక్ సుబుగా రికార్డు సృష్టించనున్నాడు. టోర్నీ కోసం సోమవారం ఉగాండా క్రికెట్ సంఘం ప్రకటించిన 15 మంది సభ్యుల జట్టులో 43 ఏళ్ల సుబుగాకు చోటు దక్కింది. -
టీమ్ఇండియా టీ20 ప్రపంచకప్ జెర్సీ ఇదే
టీ20 ప్రపంచకప్ కోసం టీమ్ఇండియా అధికారిక టీ20 జెర్సీని బీసీసీఐ సోమవారం ఆవిష్కరించింది. జెర్సీ నీలం, నారింజ రంగుల్లో ఉంది. టోర్నీ జూన్ 2న ఆరంభం కానుంది. -
నరైన్ నవ్వడెందుకు.. సహచరులు చెప్పిన విశేషాలు..!
మైదానంలో సునీల్ నరైన్ చాలా కామ్గా సీరియస్గా ఉండటాన్ని ఫ్యాన్స్ గమనించే ఉంటారు. వికెట్లు తీసినా పెద్దగా ఆవేశపడకుండా.. ప్రశాంతంగా కనిపిస్తాడు. దీనిపై అతడి సహచరులు చెప్పిన ఆసక్తికర విషయాలు.. -
టీ20 వరల్డ్ కప్ జెర్సీ రివీల్.. మాకు ముందే తెలుసంటూ నెటిజన్స్ ట్రోల్స్!
టీ20 వరల్డ్కప్నకు సంబంధించి టీమిండియా జెర్సీని అడిడాస్ ఆవిష్కరించింది. మే 7 నుంచి స్టోర్లలో లభిస్తాయని వెల్లడించింది.