12 ఏళ్ల వాట్సాప్..12 ఆసక్తికర ఫీచర్స్..!
200కోట్ల మంది యూజర్స్..ఒక రోజుకి వంద కోట్ల కాల్స్..నెలకి పది వేల కోట్ల మెసేజ్లు, ఇది క్లుప్తంగా వాట్సాప్ గురించిన సమాచారం. యూజర్ ఫ్రెండ్లీ ఇంటర్ఫేస్, ఎప్పటికప్పుడు కొత్త ఫీచర్స్తో ప్రపంచవ్యాప్తంగా కోట్లాది మందికి చేరువైన ఈ ఇన్స్టా మేసేజింగ్ యాప్ ఈ ఏడాదితో 12 వసంతాలు పూర్తి చేసుకుంది....
ఇంటర్నెట్ డెస్క్: 200కోట్ల మంది యూజర్స్..ఒక రోజుకి వంద కోట్ల కాల్స్..నెలకి పది వేల కోట్ల మెసేజ్లు, ఇది క్లుప్తంగా వాట్సాప్ గురించిన సమాచారం. యూజర్ ఫ్రెండ్లీ ఇంటర్ఫేస్, ఎప్పటికప్పుడు కొత్త ఫీచర్స్తో ప్రపంచవ్యాప్తంగా కోట్లాది మందికి చేరువైన ఈ ఇన్స్టా మేసేజింగ్ యాప్ ఈ ఏడాదితో 12 వసంతాలు పూర్తి చేసుకుంది. ఈ నేపథ్యంలో వాట్సాప్ గురించిన ఆసక్తికర విషయాలతో పాటు ఈ యాప్లోని ఆకర్షణీయమైన, భవి ష్యత్తులో అందుబాటులోకి రాబోయే 12 ఫీచర్స్ గురించిన సమాచారం..మీ కోసం
స్టేటస్ & స్టేటస్ షేరింగ్
12 సంవత్సరాల క్రితం అంటే 2009 సంవత్సరంలో ‘ప్రొఫైల్ స్టేటస్’ షేరింగ్ యాప్గా వాట్సాప్ తన ప్రస్థానాన్ని ప్రారంభించింది. అందులో యూజర్స్ తమ గురించి సమాచారాన్ని, తమలోని భావాలను అక్షరాల రూపంలో డిస్ప్లే చేసుకునేవారు. తర్వాతి కాలంలో యూజర్ అభ్యర్ధన మేరకు ‘స్టేటస్’ ఫీచర్ను తీసుకొచ్చారు. ఇందులో యూజర్స్ తమకు నచ్చిన ఫొటోలు, వీడియోలు, టెక్ట్స్ మెసేజ్లు, యూఆర్ఎల్ లింక్లను ఇతరులకు తెలిసేలా స్టేటస్లో పెట్టుకోవచ్చు. అంతేకాకుండా ఈ స్టేటస్ను ఫేస్బుక్తో పాటు ఇతర మెసేజింగ్ యాప్లు, మెయిల్ ద్వారా ఇతరులకు షేర్ చెయ్యొచ్చు. తర్వాతి కాలంలో వీడియో, వాయిస్ కాల్స్ చేయాలనుకునే వారి ప్రథమ ఎంపికగా తన పరిధిని విస్తరించుకుంది వాట్సాప్.
వాట్సాప్ పేమెంట్స్
ఏ ఇతర మెసేజింగ్ యాప్లో లేని వాట్సాప్లో మాత్రమే అందుబాటులో ఉన్న అద్భుతమైన ఫీచర్ పేమెంట్స్. గూగుల్ పే, ఫోన్ పే, భీమ్ తరహాలోనే వాట్సాప్ పేమెంట్స్ కూడా యూపీఐతో పనిచేస్తుంది. డిజిటల్ చెల్లింపులు చేయాలనుకునే వాళ్లు ప్రత్యేకంగా పేమెంట్స్ యాప్ ఉపయోగించాల్సిన అవసరంలేదు. అలానే మీరు నగదు పంపాలనుకున్న వ్యక్తి వాట్సాప్ పేమెంట్స్లో రిజిష్టర్ కాకున్నా వారి యూపీఐ ఐడీ ఎంటర్ చేసి నగదు ట్రాన్స్ఫర్ చెయ్యొచ్చు.
ఫాక్ట్ చెక్
వాట్సాప్లో రోజుకి ఎన్నో మెసేజ్లు వస్తుంటాయి. వాటిలో కొన్ని ఫేక్ న్యూస్ కూడా ఉంటాయి. అందుకే మనకి వచ్చిన మెసేజ్లను ఇతరులకు ఫార్వార్డ్ చేసేముందు అది నిజమా..కాదా అనేది చెక్ చేసుకోవాలి. ఇందుకోసం వాట్సాప్ ‘ఫాక్ట్ చెక్’ అనే ఫీచర్ను అందిస్తుంది. దీని ద్వారా ఐదుసార్లు అంతకి మించి పార్వార్డ్ చేసిన మెసేజ్లపై రెండుసార్లు ట్యాప్ చేస్తే పక్కన సెర్చ్ సింబల్ కనిపిస్తుంది. దానిపై క్లిక్ చేస్తే ఈ సమాచారాన్ని గూగుల్ సెర్చ్లో వెతకమంటారా అని అడుగుతుంది. అందులో సెర్చ్ వెబ్పై క్లిక్ చేస్తే గూగుల్లో దానికి సంబంధించిన ఇతర యూఆర్ఎల్ లింక్స్, సమాచారం చూపిస్తుంది.
డిస్అపియరింగ్ మెసేజెస్
గతేడాది వాట్సాప్ కొత్తగా డిస్అపియరింగ్ మెసేజెస్ అనే ఫీచర్ను తీసుకొచ్చింది. ఈ ఫీచర్ ద్వారా ఛాట్ మెసేజ్లు ఏడు రోజుల తర్వాత వాటంతటవే డిలీట్ అయిపోతాయి. వ్యక్తిగత, గ్రూప్ ఛాట్లను కూడా కనిపించకుండా చెయ్యొచ్చు. గ్రూప్ ఛాట్లలో డిస్అపియరింగ్ ఫీచర్ ఎనేబుల్ చేసే అధికారం కేవలం గ్రూప్ అడ్మిన్లకు మాత్రమే ఉంటుంది. ఈ ఫీచర్ కోసం వాట్సాప్ కాంటాక్ట్పై క్లిక్ చేస్తే డిస్అపియరింగ్ ఆప్షన్ కనిపిస్తుంది.
క్రియేట్ రూమ్
ఆన్లైన్ సమావేశాల కోసం వాట్సాప్ క్రియేట్ రూమ్ పేరుతో కొత్త ఫీచర్ను అందుబాటులోకి తీసుకొచ్చింది. ఇందులో ఒకేసారి 50 మంది వీడియో కాల్ మాట్లాడుతూ ఛాట్ చేసుకోవచ్చు. ఈ ఫీచర్ కోసం వాట్సాప్ అటాచ్ సింబల్పై క్లిక్ చేస్తే క్రియేట్ రూమ్ అనే ఫీచర్ ఉంటుంది. దానిపై క్లిక్ చేస్తే కంటిన్యూ ఇన్ మెసెంజర్ అనే ఆప్షన్ కనిపిస్తుంది. దానిపై క్లిక్ చేస్తే ఫేస్బుక్ మెసేంజర్ ఓపెన్ అవుతుంది. అందులో మీ పేరు మీద క్లిక్ చేస్తే రూమ్ క్రియేట్ అవుతుంది. ఆ లింక్ను ఇతరులతో షేర్ చేసుకుని వాళ్లతో ఛాట్ చెయ్యొచ్చు. మొబైల్/డెస్క్టాప్ వెర్షన్లలో ఈ ఫీచర్ అందుబాటులో ఉంది.
ఆల్వేస్ మ్యూట్
గతంలో మనకు అవసరంలేని వాట్సాప్ ఖాతా లేదా గ్రూప్ నోటిఫికేషన్లను పరిమిత కాలవ్యవధి వరకు మాత్రమే మ్యూట్ చేసేవాళ్లం. ఇందులో 8 గంటలు, వారం, ఏడాది ఆప్షన్లు మాత్రమే అందుబాటులో ఉండేవి. ఏడాది ఆప్షన్ స్థానంలో వాట్సాప్ కొత్తగా ఆల్వేస్ మ్యూట్ని తీసుకొచ్చింది. దీని వల్ల మనం అన్ మ్యూట్ చేసేవరకు సదరు యూజర్ లేదా గ్రూప్ నుంచి వచ్చే నోటిఫికేషన్స్ మ్యూట్లోనే ఉంటాయి.
పిఐపి మోడ్
యూజర్స్కి వాట్సాప్ అందిస్తున్న మరో అద్భుతమైన ఫీచర్ పిక్చర్-ఇన్-పిక్చర్ మోడ్ (పిఐపి). వాట్సాప్లో యూట్యూబ్, ఫేస్బుక్, ఇన్స్టాగ్రాం లేదా యూఆర్ఎల్ వీడియో లింక్ షేర్ చేస్తే యాప్లో వాటిని చూడొచ్చు. దీని కోసం ప్రత్యేకంగా వాట్సాప్ నుంచి బయటకు రావాల్సిన అవసరంలేదు.
రాబోయే ఫీచర్స్..
మల్టీ డివైజ్ సపోర్ట్
ఇప్పటి వరకు వాట్సాప్ను ఒక డివైజ్లో మాత్రమే ఉపయోగించగలం. ఇకమీదట ఒకేసారి వేర్వేరు డివైజ్లలో ఉపయోగించుకునేలా మల్టీ డివైజ్ సపోర్ట్ ఫీచర్ను తీసుకొస్తున్నారు. డెవలెప్మెంట్ దశలో ఉన్న ఈ ఫీచర్ ద్వారా ఒకేసారి నాలుగు డివైజ్లలో వాట్సాప్ ఖాతాను లాగిన్ అవ్వొచ్చు.
వెబ్ కాలింగ్
మొబైల్ వెర్షన్ను మాత్రమే పరిమితమైన ఆడియో/వీడియో కాలింగ్ ఫీచర్ను త్వరలో డెస్క్టాప్ వెర్షన్లో కూడా అందుబాటులోకి తీసుకురానున్నారు. డెస్క్టాప్లో కాల్ వచ్చినప్పుడు పాప్-అప్ విండోలో కాల్ ఆన్సర్, రిజెక్ట్ చేసే ఆప్షన్ కనిపిస్తుంది. ఈ ఫీచర్ డెస్క్టాప్లో ఉపయోగించాలంటే హెడ్సెట్, వెబ్కామ్ తప్పనిసరిగా ఉండాలి.
మ్యూట్ వీడియో
కొన్ని సార్లు మనకు నచ్చిన వీడియోలను స్టేటస్లో అప్డేట్ చేస్తుంటాం. వాటిలో మ్యూజిక్ అన్మ్యూట్ చేయాలంటే ప్రత్యేకంగా ఎడిట్ చేయాల్సిందే. దీనికి ప్రత్యామ్నాయంగా వాట్సాప్ మ్యూట్ వీడియో ఆప్షన్ను తీసుకొస్తుంది. వాట్సాప్లో వీడియో అటాచ్ చేశాక కింద ట్రిమ్మింగ్ బార్ కింద సౌండ్ సింబల్ ఉంటుందట. దానిపై క్లిక్ చేస్తే మీరు పంపుతున్న వీడియో మ్యూట్ అవుతుందని సమాచారం. ప్రస్తుతం పరీక్షల దశలో ఉన్న ఈ ఫీచర్ త్వరలోనే యూజర్స్కి అందుబాటులోకి రానుంది.
లాగౌట్
కొద్దిరోజులు వాట్సాప్ ఖాతా ఉపయోగించకూడదనుకున్నారు. యాప్ అన్-ఇన్స్టాల్ చేయడం లేదా ఖాతా డిలీట్ తప్ప వేరే ఆప్షన్ లేదు. దీన్ని దృష్టిలో ఉంచుకుని వాట్సాప్ లాగౌట్ ఫీచర్ను తీసుకొస్తుంది. ఈ ఫీచర్ ద్వారా వాట్సాప్ నుంచి కొంత కాలం దూరంగా ఉండాలనుకునే వారు సెట్టింగ్స్లోకి వెళ్లి లాగౌట్ చేస్తే సరిపోతుంది. ప్రస్తుతం ఉన్న డిలీట్ అకౌంట్ స్థానంలో ఈ ఫీచర్ తీసుకొస్తున్నట్లు సమాచారం. ప్రస్తుతం బీటా యూజర్స్కి లాగౌట్ ఫీచర్ అందుబాటులో ఉంది.
మెన్షన్ బ్యాడ్జ్
వాట్సాప్ త్వరలో తీసుకొస్తున్న మరో కొత్త ఫీచర్ మెన్షన్ బ్యాడ్జ్. దీని సాయంతో గ్రూప్లో స్నేహితులను ట్యాగ్ చెయ్యొచ్చు. ఇది కూడా బీటా యూజర్స్కి అందుబాటులో ఉంది.
ఇవేకాకుండా మరెన్నో యూజర్ ఫ్రెండ్లీ ఫీచర్స్ వాట్సాప్లో ఉన్నాయి. ఇంతటీ ప్రజాదరణ పొందిన మెసేజింగ్ యాప్పై ఇటీవలి కాలంలో అనుమానాలు వ్యక్తం అవుతున్నాయి. ఇందుకు ప్రధాన కారణం వాట్సాప్ కొత్త ప్రైవసీ పాలసీ. ఈ పాలసీ అమలు చేయడం ద్వారా యూజర్స్ డేటాను వాట్సాప్ ఇతరులతో పంచుకుంటుందనే ఆరోపణలు వెల్లువెత్తాయి. దీంతో ఫిబ్రవరి 8 తేదీ నుంచి అమలు చేయాల్సిన కొత్త పాలసీ నిర్ణయాన్ని మే 15 తేదీకి వాయిదా వేస్తున్నట్లు ప్రకటించింది. తాజాగా దీనిపై వివరణ ఇచ్చింది. బిజినెస్ ఖాతాలకు సంబంధించిన పరిమిత సమాచారాన్ని యూజర్ అనుమతితో మాత్రమే ఫేస్బుక్తో షేర్ చేస్తామని వెల్లడించింది. ఎండ్ టు ఎండ్ ఎన్క్రిప్షన్ సాంకేతికత ఉపయోగించడంతో వ్యక్తిగతంగా యూజర్స్ చేసే మెసేజ్లు, కాల్స్, ఇతర డేటాను వాట్సాప్ చూడలేదని తెలిపింది. అలానే మే 15 తేదీ నుంచి కొత్త పాలసీని అమలు చేస్తున్నట్లు ప్రకటించింది. ఇప్పటికే భారత్లో కొంత మంది యూజర్స్కి ఈ పాలసీకి సంబంధించిన అలర్ట్ నోటిఫికేషన్ వచ్చింది. త్వరలోనే యూజర్స్ అందరికీ అందుబాటులోకి రానుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మెదడులాంటి కంప్యూటర్!
మనిషి మెదడులా పనిచేసే, ఒకే సమయంలో వేర్వేరుగా స్పందించే కంప్యూటర్లను రూపొందించాలని చాలాకాలంగా ప్రయత్నిస్తున్నారు. ఈ దిశగా ఇంటెల్ శాస్త్రవేత్తలు ముందడుగు వేశారు. ప్రపంచంలోనే అతి పెద్ద న్యూరోమార్ఫిక్ కంప్యూటర్ను రూపొందించారు. -
దైవకణం కథ
అది అన్ని కణాలకూ ద్రవ్యరాశిని సంతరింపజేస్తుంది. దీని గురించి 1960ల్లోనే తెలిసినా 50 ఏళ్ల తర్వాత గానీ ఉనికి బయటపడలేదు. ప్రపంచంలోనే అతి పెద్ద, అతి సంక్లిష్ట యంత్రం సాయం తీసుకుంటే తప్ప అది సాధ్యం కాలేదు. -
కాల మహిమ
ఉగాది రోజు పంచాంగం విన్నారా? దీనిలోని తిథులు, రోజులు, పక్షాలు, నెలలు, రుతువులు.. అన్నీ కాల గమన సంకేతాలే. అసలు కాలమంటే ఏంటి? అది ఎలా మొదలైంది? ఇలాగే కొనసాగుతుందా? అంతమవుతుందా? -
కంప్యూటర్కు బుర్ర!
మన మెదడు అద్భుతమైంది. హేతుబద్ధంగా వ్యవహరిస్తుంది. కార్య కారణాలను విశ్లేషించి ఒక నిర్ణయానికి వస్తుంది. ఉచితానుచితాలను బేరీజు వేస్తుంది. ఏ పని ఎలా చేస్తే ఎలాంటి ఫలితం వస్తుందో పసిగడుతుంది. -
ఫోన్ ట్యాప్ అయ్యిందా?
నేటి డిజిటల్ యుగంలో వ్యక్తిగత సమాచార గోప్యత, భద్రత అతి కీలకమయ్యాయి. అధునాతన నిఘా పద్ధతుల నేపథ్యంలో ఇవి మరింత ప్రాధాన్యం సంతరించు కుంటున్నాయి. నిత్య జీవితంలో విడదీయలేని పరికరంగా మారిన ఫోన్ల మీదా నిఘా వేయటం, ట్యాపింగ్ చేయటమూ చూస్తున్నాం. -
రోబో సేవలు చేసేనే..
మనిషికి మనిషి తోడంటారు. ఇప్పుడు మర మనిషీ (రోబో) చేయందిస్తోంది. ఒకపక్క అధునాతన హ్యూమనాయిడ్ రోబోల వెల్లువ సంచలనం సృష్టిస్తుండగా.. మరోపక్క మామూలు రోబోలూ సేవలకు సిద్ధమవుతున్నాయి. -
మానవ రోబో దండు!
రోబో అనగానే ఏం గుర్తుకొస్తుంది? లోహ చట్రంతో కదిలే మర యంత్రమో, కదిలే లోహం బొమ్మో మదిలో కదలాడుతుంది. రబ్బరు కండరాలతో చేసినదైతే మనిషి మాదిరిగానూ కనిపిస్తుంది. చూపు, మాట మనిషిని పోలి ఉంటాయి. -
paul alexander: ఇనుప ఊపిరితిత్తి!
ఓ పొడవైన పెట్టె. శరీరమంతా అందులోనే. తల మాత్రమే బయటకు. ఒకటి కాదు, రెండు కాదు.. ఏకంగా 72 ఏళ్లు అందులోనే గడిపితే? అమెరికాకు చెందిన పాల్ అలెగ్జాండర్ అలాగే గడిపారు -
గూగుల్ సెర్చ్ తెలివిగా..
స్మార్ట్ఫోన్లలో గూగుల్ సెర్చ్ను వాడనివారుండరంటే అతిశయోక్తి కాదు. కానీ తేలికగా, త్వరగా ఆయా అంశాలను శోధించటానికి కొన్ని చిట్కాలు ఉన్నాయనే సంగతి తెలుసా? అలాంటి కొన్ని ఉపాయాల గురించి తెలుసుకుందాం. -
భళారే డిజిటల్ విచిత్రం!
ఒకప్పటి కన్నా స్మార్ట్ఫోన్లు, ల్యాప్టాప్ల సామర్థ్యం, వేగం పుంజుకున్న మాట నిజం. కానీ ఆకారంలో పెద్దగా మారింది లేదు. ఒకసారి అంచులు చిన్నగా.. మరోసారి కెమెరా బంప్లు పెద్దగా ఉండటం తప్పించి దాదాపు అలాగే కనిపిస్తుంటాయి. -
కృత్రిమ మేధ గుండె కాయ
కృత్రిమ మేధ.. కృత్రిమ మేధ.. కృత్రిమ మేధ. శాస్త్ర, సాంకేతిక రంగాల్లో ఎక్కడ చూసినా ఈ పేరే మార్మోగుతోంది. -
ఇక ఏఐ సినిమా!
పదాల కూర్పు ఆధారంగా చిటికెలో ఫొటోలు, చిత్రాలు, సంగీతం, పాటలను పుట్టిస్తున్న కృత్రిమ మేధ (ఏఐ) మరో అడుగు ముందుకేసింది. ఏకంగా వీడియోలనూ సృష్టించే స్థాయికి చేరుకుంది. విప్లవాత్మక ఛాట్జీపీటీని రూపొందించిన ఓపెన్ఏఐ సంస్థ కొత్తగా తీసుకొచ్చిన జనరేటివ్ కృత్రిమ మేధ (జెన్ఏఐ) మోడలే దీనికి నిదర్శనం. -
ఈ విశ్వ కిరణాలు..
విశ్వ కిరణాలు.. కాస్మిక్ రేస్. అంతరిక్షం ఆవలి నుంచి దూసుకొచ్చే ఇవి నిరంతరం అతి వేగంగా.. దాదాపు కాంతి వేగంతో సమానంగా విశ్వమంతటా ప్రయాణిస్తుంటాయి. వీటి మీద మొదటి నుంచీ శాస్త్రవేత్తలకు ఎంతో ఆసక్తి. ఎందుకంటే అంతరిక్షంలో పుట్టుకొచ్చిన చోటు, ఢీకొట్టిన వస్తువులను బట్టి ఇవి విశ్వానికి సంబంధించిన ఎన్నో విషయాలను వివరిస్తాయి. -
ప్రేమ శాస్త్రం!
ప్రేమ ఎందుకు పుడుతుందో, ఎవరి మీద పుడుతుందో తెలియదు. ఒకరికి నచ్చిన వ్యక్తి మరొకరికి నచ్చకపోవచ్చు. ఒకరికి అసలే నచ్చనివారు మరొకరికి ప్రాణం కన్నా మిన్నగా అనిపించ్చొచ్చు. -
ఫోల్డర్ మాయలు
విండోస్ పీసీలో రోజూ ఫోల్డర్లను వాడుతూనే ఉంటాం. కొత్త ఫైళ్లను స్టోర్ చేయటం, డేటాను వరుసగా పెట్టుకోవటం.. ఇలా ఎన్నింటికో వీటిని ఉపయో గిస్తుంటాం. మరి అదృశ్య ఫోల్డర్ను సృష్టించుకోగలరా? ఒకేసారి బోలెడన్ని ఫోల్డర్ల పేర్లను మార్చుకోగలరా? ఖాళీ ఫోల్డర్లను గుర్తించగలరా? ఇలాంటి కొన్ని చిత్రమైన ఫోల్డర్ చిట్కాల గురించి తెలుసుకుందాం. -
అమెజాన్ అడుగున బంగారు నేల
అమెజాన్ అనగానే దట్టమైన అడవులే గుర్తుకొస్తాయి. మనుషులు దూరటానికి వీల్లేని అక్కడ ఒకప్పుడు పెద్ద పట్టణమే ఉండేదని ఇటీవల తేలటం అందరినీ ఆశ్చర్యపరచింది -
ఏఐ టెక్కులు!
అసలే కృత్రిమ మేధ (ఏఐ) యుగం. ఆపై ప్రపంచంలోనే అతి పెద్ద ఎలక్ట్రానిక్ వస్తు ప్రదర్శన. ఇక చెప్పేదేముంది? ఏ పరికరాన్ని చూసినా ఏఐమయమే. హెల్త్ ట్రాకర్ల దగ్గరి నుంచి వాహనాల వరకూ అన్నింటికీ అదే ఆలంబన. -
Cyber Crime: నయా సైడర్!
నేటి సైబర్ యుగంలో నేరాలూ మారిపోతున్నాయి. ఆన్లైన్ మోసాలు కోకొల్లలు. డెబిట్, క్రెడిట్ కార్డు వివరాలు చోరీ చేసి మన ప్రమేయమేమీ లేకుండానే నేరగాళ్లు షాపింగ్ చేయటం తెలిసిందే -
కొత్త టెక్ లోకం
డిజిటల్ పరిణామం ఆగేది కాదు. ఇదో నిరంతర ప్రక్రియ. గత ఏడాదిని గతి తిప్పిన ట్రెండ్స్ కొత్త సంవత్సరాన్నీ పరుగులు తీయించనున్నాయి. మెషిన్ ఇంటెలిజెన్స్ జోరందుకోనుంది. వాస్తవ, కాల్పనిక ప్రపంచాల మధ్య హద్దులు చెరగటం ఖాయంగా కనిపిస్తోంటే.. నిరంతర అంతర్జాల పరిణామ ప్రక్రియ మన జీవితాలను గణనీయంగా శాసించేలా రూపుదిద్దుకుంటోంది. -
ఇస్రో ఏఐ వత్సరం 2024
ఇది మనదేశం జాబిల్లిని తాకి ప్రపంచాన్ని సంభ్రమాశ్చర్యాల్లో ముంచిన సంవత్సరం.ఇది కృత్రిమ మేధ ప్రయోగశాలలను దాటుకొని నిత్య జీవన వ్యవహారాల్లోకి విరివిగా చొచ్చుకొచ్చిన సంవత్సరం.శాస్త్ర, సాంకేతిక రంగాలు ఒకదాంతో మరోటి పోటీ పడుతూ కొత్త వత్సరంలోకి అడుగిడుతున్న వేళ సాధించిన ఘనతలను సమీక్షించుకోవటం ముదావహం. -
స్థానిక మేధ
కృత్రిమ మేధ (ఏఐ) తీరు మారుతోంది. ఆంగ్లం గడపను దాటుకొని స్థానిక భాషలపై దృష్టి సారిస్తోంది. ఆయా భాషల వైవిధ్యం, యాసలు, సంస్కృతులకు అనుగుణంగా రూపాంతరం చెందుతోంది.