మహారాష్ట్ర ఎన్నికల్లో ఓటేసిన సరిహద్దు గ్రామాల ఓటర్లు!

తెలంగాణ ఓటరు కార్డుతో హాజరైన కొందరు

ఈనాడు, ఆదిలాబాద్‌, న్యూస్‌టుడే, కెరమెరి: కుమురం భీం జిల్లా కెరమెరి మండలంలో తెలంగాణ, మహారాష్ట్ర సరిహద్దు మధ్య 12 వివాదాస్పద గ్రామాలున్నాయి. ఆ గ్రామాల ప్రజలకు రెండు రాష్ట్రాల్లోని ఓటరు కార్డులుండగా అన్ని రకాల సంక్షేమ పథకాలు అందుతున్నాయి. ఈ గ్రామాలకు వార్డు సభ్యుడి నుంచి ముఖ్యమంత్రి వరకు ఇద్దరు చొప్పున ఉంటారు. లోక్‌సభ ఎన్నికల్లో తొలివిడతలో భాగంగా శుక్రవారం మహారాష్ట్రలోని చంద్రపూర్‌ నియోజకవర్గానికి ఎన్నికలు నిర్వహించారు. కొందరు ఓటర్లు తెలంగాణ ఓటరు కార్డు, ఇంకొందరు మహారాష్ట్ర ఓటరు కార్డు తీసుకొని రాగా..మరికొంత మంది మాత్రం తెలంగాణ, మహారాష్ట్ర రెండు రాష్ట్రాలకు సంబంధించిన ఓటరు కార్డులతో వచ్చి ఓటేశారు. ఓటరుకు నచ్చిన ఏదో ఒక్క చోటే ఓటు వేసేలా ఎన్నికల అధికారులు ఇక్కడ అవగాహన కార్యక్రమాలు చేపడుతున్నారు.