Viral Video: ఆర్‌ఎస్‌ఎస్‌ నేత ఇంటిపై పెట్రోల్‌ బాంబులతో దాడి.. వీడియో వైరల్‌

పాపులర్ ఫ్రంట్ ఆఫ్ ఇండియా నేతల కార్యాలయాలు, ఇళ్లపై.. జాతీయ దర్యాప్తు సంస్థ ఎన్‌ఐఏ సోదాల తర్వాత తమిళనాడులో పెట్రోల్ బాంబు దాడుల ఘటనలు తీవ్ర కలకలం రేపుతున్నాయి. మధురైలోని ఆర్‌ఎస్‌ఎస్‌ నేత ఇంటిపై ఓ గుర్తుతెలియని వ్యక్తి మూడు పెట్రోల్ బాంబులను విసిరాడు. ఆ తర్వాత బైక్‌పై పరారయ్యాడు. ఈ దృశ్యాలన్నీ సీసీటీవీలో రికార్డయ్యాయి. ఇదే తరహాలో సెప్టెంబర్ 22న భాజపా కార్యాలయంపై దాడులు జరిగాయి. ఆ మరుసటిరోజే భాజపా నేత శరత్‌పై పెట్రోల్ బాంబ్ దాడికి పాల్పడ్డారు. ఈ ఘటనలో ఆయన కారు ధ్వంసమయ్యింది.