Telangana news: విద్యార్థినులతో అసభ్యంగా ప్రవర్తించాడంటూ.. ఉపాధ్యాయుడికి దేహశుద్ధి!

విద్యార్థినులతో అసభ్యంగా ప్రవర్తించాడని ఆరోపిస్తూ ఉపాధ్యాయుడిని చితకబాదిన ఘటన వరంగల్ నగరంలో చోటు చేసుకుంది. ఎల్బీనగర్ లోని ప్రభుత్వ ఉన్నత పాఠశాలలో ఓ ఉపాధ్యాయుడు విద్యార్థినుల పట్ల అసభ్యంగా ప్రవర్తించాడంటూ వారు తల్లిదండ్రులకు చెప్పారు. ఆందోళన చెందిన తల్లిదండ్రులు.. ప్రధానోపాధ్యాయుడికి ఫిర్యాదు చేసినా ఫలితం లేకపోయిందంటూ పాఠశాలకు చేరుకొని సదరు ఉపాధ్యాయుడికి దేహశుద్ధి చేశారు. విషయం తెలుసుకున్న పోలీసులు అక్కడికి చేరుకొని ఉపాధ్యాయుణ్ని అదుపులోకి తీసుకున్నారు.