Rishi Sunak: విదేశీ విద్యార్థులపై ఆంక్షల దిశగా బ్రిటన్‌ నిర్ణయాలు

బ్రిటన్‌కు వలసలను తగ్గించేందుకు విదేశీ విద్యార్థులపై ఆంక్షలు తీసుకురావాలని రిషీ సునాక్ సర్కారు భావిస్తున్నట్లు తెలుస్తోంది. పెద్దగా ప్రాధాన్యం లేని డిగ్రీల కోసం వచ్చే విద్యార్థులు, డిపెండెంట్ వీసాలతో వచ్చే విద్యార్థులపై ఈ ఆంక్షలు ఉండే అవకాశమున్నట్లు సమాచారం. భారతీయ విద్యార్థులపై ఈ ప్రభావం ఎక్కువగా ఉండనుంది. ఈ నేపథ్యంలో బ్రిటన్‌లో తాత్కాలికంగా నివసించే విద్యార్థులను వలసదారులుగా పరిగణించరాదని బ్రిటన్‌లో భారత విద్యార్థి సంఘాలు విజ్ఞప్తి చేస్తున్నాయి.