YSRCP: వృద్ధురాలిపై కదిరి వైకాపా అభ్యర్థి బంధువు దాష్టీకం..!

సత్యసాయి జిల్లా కదిరి వైకాపా అభ్యర్థి మక్బూల్ అహ్మద్ బంధువు తనుపై దాడి చేశాడని ఓ వృద్ధురాలు కన్నీటిపర్యంతమైంది. ప్రచారానికి 15 మందిని తీసుకెళ్లడంతో.. తనను దుర్భాషలాడాడని ఆమె ఆవేదన వ్యక్తం చేసింది. షామీర్ బాషా అనే వ్యక్తి తనను తిడుతూ చెప్పుతో దాడి చేశాడని వాపోయింది. తోటి మహిళలు అడ్డుకునేందుకు ప్రయత్నించినా.. అంతు చూస్తామంటూ హెచ్చరించారని తెలిపారు.