హనుమకు అలా నమస్కరించండి

ధర్మ సందేహం 

ఆంజనేయస్వామికి సాష్టాంగ నమస్కారం చేయకూడదంటారు.. నిజమేనా?

- సుందర్‌, హైదరాబాద్‌

ఏ దేవతకైనా అర్చనలో భాగంగా భక్తులు సాష్టాంగ నమస్కారం చేయవచ్చు. మహిళలు సాష్టాంగ నమస్కారం చేయరాదని శాస్త్ర నియమం. ఆంజనేయుడి విషయంలో పురుషులు సాష్టాంగ నమస్కారం చేయకూడదనే నియమం ఏదీ లేదు. అది ఒక విశ్వాసం మాత్రమే. ఆంజనేయుడు అంటే సేవకు ప్రతీక.అనితర సాధ్యమైన ఘనకార్యాలు చేసి కూడా రామచంద్రుని పాదసన్నిధిని కోరుకునే సేవా తత్పరుడు. తాను రామదాసుణ్నని త్రికరణశుద్ధిగా భావించే ఆంజనేయుడు భక్తి అంతా శ్రీరామునికే సమర్పించాలని భావిస్తాడు. ఈ అభిప్రాయంతో ఆంజనేయుడికి సాష్టాంగ నమస్కారం చేయరాదనే నమ్మిక లోకంలో ప్రచారమైంది. అయితే.. స్వామి త్రిమూర్తి స్వరూపుడనీ, రుద్రాంశ సంభూతుడనీ సంహితలు చెబుతున్నాయి. ఈ దృష్టితో ఆంజనేయుడికి సాష్టాంగ నమస్కారం చేయవచ్చు. కొందరు హనుమ పాదాల కింద శనైశ్చరుడు ఉంటాడు కాబట్టి సాష్టాంగం చేయకూడదని అనుకుంటారు. అది సరికాదు.