అప్పుడే ప్రశాంతత

అనునిత్యం ఎదురయ్యే అనిశ్చిత పరిస్థితుల వల్ల కొందరు దారి తప్పుతుంటారు. ఫలితంగా ఎన్నో సమస్యలు ఎదుర్కొంటూ, బాధలు అనుభవిస్తూ లక్ష్యాన్ని చేరడంలో ఇబ్బంది పడుతుంటారు. సన్మార్గానికి బదులు విరుద్ధమైన దారిని ఎంపిక చేసుకోవడం వల్లనే అలాంటి దుష్పరిణామాలు కలుగుతాయి. తాము కోరుకున్న వాటిని అక్రమంగా అయినా పొందాలి, అవసరమైన కంటే అధికంగా సంపాదించాలి- లాంటి దురాశతో వెంపర్లాడుతుంటారు. ఈ చెడు ఆలోచనల వల్లే దుస్థితి కలుగుతుందని ఏసు తన ప్రబోధల్లో (మత్తయి 24:12) చెప్పారు. దైవం చెప్పిన మాటలను, చేసిన మంచి పనులను నిరంతరం మననం చేసుకుంటూ, సత్యమార్గంలో పయనించేందుకు ప్రయత్నించాలి. అప్పుడే ఏసుప్రభువుతో పాటు తోటివారి ప్రేమను కూడా పొంది ప్రశాంతంగా ఉండగలుగుతాం. అక్రమ మార్గాన్ని ఎంచుకుంటే ఎప్పటికైనా పరిస్థితి అధోగతేనని గ్రహించాలి.

పూసపాటి విజయరాజు