పది ఆజ్ఞలు

తాను సృష్టించిన మనుషులు ఒక పద్ధతి, కట్టడి లేకుండా యథేచ్ఛగా, విచ్చలవిడిగా ఉండటం గమనించాడు యెహోవా. వారిని క్రమశిక్షణలో పెట్టాలనుకుని తన భక్తుడు మోషే ద్వారా పది ఆజ్ఞలు అందించాడు. టెన్‌ కమాండ్‌మెంట్స్‌గా ప్రసిద్ధి చెందిన ఆ దశాజ్ఞలు-

• నేనే మీ దేవుణ్ణి.
• ఆకాశంలో, భూమిమీద, నేల కింది నీళ్లలో.. ఎక్కడా ఏ రూపాన్నీ, విగ్రహాన్నీ చేసి పూజించ కూడదు.
•  యెహోవా నామాన్ని వ్యర్థంగా ఉచ్చరించకూడదు.
• వారంలో ఒకరోజు విశ్రాంతిదినం. ఆరోజు కుటుంబసభ్యులు, పనివారు, పశువులు.. ఎవరూ ఏ పనీ చేయకూడదు. కారణం ఆరు రోజులు సృష్టిపనులు చేసిన దేవుడు ఏడో రోజున విశ్రమించాడు.
• నువ్వు దీర్ఘాయుష్షుతో ఉండాలంటే తల్లిదండ్రులను సన్మానించు.
• నరహత్య కూడదు.
• వ్యభిచారం చేయకూడదు.
• దొంగతనం నిషిద్ధం. 
• అబద్ధ సాక్ష్యాలు వద్దు.
• పొరుగువారి ఇంటిని గానీ, భార్యను గానీ, దాసును గానీ అతనికి చెందిన మరి దేన్ని గానీ ఆశించవద్దు. ఈ ఆజ్ఞలను భక్తితో, నిజాయతీతో ఆచరించేవారికి పరలోక ప్రాప్తి నిశ్చయం.

మర్రి ఎ.బాబ్జి