స్వర్గానికి మార్గం

ఒకసారి హజ్రత్‌ ఆయిషా సిద్దీఖా వద్దకు ఓ నిరుపేద మహిళ యాచించేందుకు వచ్చింది. ఆమె వెంట ఇద్దరు పిల్లలున్నారు. ఆ సమయంలో కారుణ్యమూర్తి (స) కుటీరంలో ఖర్జూరాలు తప్ప మరేమీ లేవు. అందువల్ల హజ్రత్‌ ఆయిషా ఆ పండ్లనే ఆమెకు దానం చేశారు. ఆ మహిళ వాటిని బాలికలిద్దరికీ సమంగా పంచింది. చిన్నారులు తమకు ఇచ్చిన ఖర్జూరాల్లోంచి తల్లికి కొన్ని తీసి ఇచ్చారు. వాళ్ల మమకారం ఆయిషాకు ముచ్చట కలిగించింది. ఈ ఘటనను ప్రవక్త (స) రాగానే వివరించారామె. ఇది విన్న ప్రవక్త (స) ‘ఆడపిల్లలకు ప్రేమ పంచుతూ వారి పట్ల సమాదరణ చూపితే.. రేపటిరోజున నరకాగ్నికి అడ్డుతెరగా నిలిచి స్వర్గానికి మార్గం చూపుతారు’ అన్నారు.

ముహమ్మద్‌ ముజాహిద్‌