రక్షించేందుకే వచ్చాడు

ఏసు, యేసు పదాలకు యెహోషువా, జాషువా అనే హెబ్రూ భాషా పదాలు మూలమని చెబుతారు. ఏసు అంటే రక్షించేవాడని అర్థం. అజ్ఞానమనే చీకటి నుంచి ప్రజల్ని వెలుగులోకి నడిపించటమే రక్షించడమంటే. మానవతను విస్మరించడం, నైతికమార్గం వదిలి తోటివారిని హింసించడం, హత్యలు, పరకాంతా వ్యామోహాలు, ఇతరుల సొమ్మును ఆశించడం, దేవుడు గీసిన గీత దాటడం- లాంటివన్నీ పాపాలే. వాటితో చీకటికూపంలో పడిపోయినట్టే. అక్కడి నుంచి ప్రజలను సంరక్షించడమే దేవుడు ప్రజలకు ఇచ్చిన హామీ. దాన్ని నెరవేర్చేవాడే రక్షకుడు. అందుకోసం ప్రభువు మానవ రూపంలో జన్మించాడు. ఆ ప్రియకుమారుడే ఏసు! ‘వస్తాడు.. వస్తాడు..’ అంటూ ఎదురుచూసిన మెస్సయా ప్రవక్తే ఏసుక్రీస్తు. ‘నేనే వెలుగు. నేనే సత్యం. నేనే జీవం. నేనే మార్గం’ అంటూ తన వాక్కు వినిపించాడాయన.

డా.దేవదాసు