నీలో లేని లోపం నీకు...

ధర్మ సందేహం
నీలో లేని లోపం నీకు...

మంత్రపుష్పంలో చేయని పాపాలు తీసుకోవడమనే అర్థం ఉందా?

‘పాపోహం పాపకర్మాహం, పాపాత్మా పాపసంభవః...’
అంటూ మంత్రపుష్పం చివర్లో, ‘ఆవాహనం నజానామి నజానామి విసర్జనం’ అంటూ దేవీపూజ ఆఖరులో మనం క్షమా ప్రార్థన చదువుతాం. ‘నేను పాపాత్ముడిని...’ ‘అర్చనలో నాకు ఆవాహనం తెలీదు, విసర్జనమూ తెలీదు’ అని దీని అర్థం.
ఆధ్యాత్మిక విద్యలో దీన్ని నైచ్యానుసంధానం అంటారు.
ప్రపంచలోని ఇతరులకందరికీ తనను ప్రతినిధిగా భావించుకొని, వారిలో ఉన్న...తనలో లేని లోపాన్ని తనకు ఆపాదించుకుని తనను, తనతో పాటు అందరినీ కరుణించాలని భగవంతుణ్ణి ప్రార్థించడం. నైచ్యానుసంధానం తనను తాను నిందించుకోవడం కాదు.భగవంతుడి సమక్షంలో శరణాగతి చేయడం మాత్రమే. ఇది గొప్ప వినయ ప్రకటన.. ఇది ఆ సాధకుడి నడవడికి అలంకారమే కానీ, చిన్నతనం కాదు. ఇది మన రుషులు మనకందించిన గొప్ప మార్గం.