బీఈడీతో పాటు మరో కోర్సు చేయొచ్చా

గ్రాడ్యుయేషన్‌ తర్వాత బీఈడీ, మాస్టర్స్‌ ఒకే సంవత్సరంలో చదవాలనుకుంటున్నా. ఇలా చేస్తే ఏమైనా సమస్య వస్తుందా? యూజీసీ ఈ అవకాశం కల్పిస్తోందని విన్నాను. వాస్తవమేనా?

- ఎ.మహేష్‌

యూజీసీ మార్గదర్శకాల ప్రకారం ఒకే సమయంలో రెండు డిగ్రీలు/ పీజీలు ఒకటి రెగ్యులర్‌గా, మరొకటి రెగ్యులర్‌/ఆన్‌లైన్‌/ డిస్టెన్స్‌/ ఓపెన్‌ పద్ధతిలో చదివే అవకాశం ఉంది. డిగ్రీ/పీజీతోపాటు డిప్లొమా/ సర్టిఫికెట్‌ కోర్సులు చేసే వెసులుబాటు గతంలో కూడా ఉంది. కానీ బీఈడీ లాంటి ప్రొఫెషనల్‌ కోర్సు నేషనల్‌ కౌన్సిల్‌ ఫర్‌ టీచర్‌ ఎడ్యుకేషన్‌ అనే రెగ్యులేటరీ సంస్థ (ఎన్‌సీటీఈ) నియంత్రణలో ఉంది. ఇప్పటివరకైతే ఎన్‌సీటీఈ వారు బీఈడీతో పాటు మరో కోర్సు చేసే విషయంలో ఎలాంటి మార్గదర్శకాలూ విడుదల చేయలేదు. కాబట్టి మీరు బీఈడీ కోర్సు చేసే సమయంలో మరో కోర్సు చేయకపోవడమే శ్రేయస్కరం.

ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌