ఫ్రీలాన్సింగ్‌ చేయాలంటే?

ఎంఏ పొలిటికల్‌ సైన్స్‌ చేశాను. సాహిత్యాభిలాషిని కూడా. ఫ్రీలాన్సర్‌గా పనిచేయాలంటే ఎలాంటి నైపుణ్యాలు కావాలి? సాంకేతిక నైపుణ్యం ఎలా పెంచుకోవాలి? 

అపురూప

• మీరు ఫ్రీలాన్సర్‌గా ఏ రంగంలో ఉండాలనుకొంటున్నారు? అందుకు సాంకేతిక నైపుణ్యం ఎందుకు అవసరం? ఈ విషయాలపై స్పష్టత లేదు. ఫ్రీలాన్సర్‌గా పనిచేయాలంటే సమకాలీన సమాజ పరిస్థితులపై స్పష్టత, నిశిత పరిశీలన, సంబంధిత పుస్తకాలను విమర్శనాత్మకంగా చదవడం, పరిశోధనలో ప్రాథ]మిక పద్దతులపై అవగాహన, సృజనాత్మకత, భాషపై మంచి పట్టు, అనువాద నైపుణ్యాలు చాలా అవసరం. ఇక సాంకేతిక నైపుణ్యాల విషయానికొస్తే- కంప్యూటర్‌ పరిజ్ఞానం, ఇంటర్నెట్‌ వాడటంలో మెలకువలు పెంపొందించుకోండి. ఎంఎస్‌ ఆఫీస్‌లో శిక్షణ పొందండి. తెలుగు, ఇంగ్లిష్‌ల్లో వేగంగా టైప్‌ చేయడం నేర్చుకోండి. చివరిగా.. ప్రాంతీయ భాషల్లో ఫ్రీలాన్సర్‌గా ఉంటే ఆకర్షణీయ వేతనాలు అంతగా ఉండవు. మీరు ఏదైనా వృత్తితో పాటు ఫ్రీలాన్సింగ్‌ని ఒక ప్రవృత్తిగా మాత్రమే పెట్టుకోండి.

 ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌