పెన్సిల్‌ ఇలా..అతుక్కుందెలా?

చేతులకు ఆకర్షణ శక్తి ఉంటుందా?! ఉండదు కదా! కానీ ఓ చిన్న ట్రిక్‌తో మన చేతులకు ఆకర్షణ శక్తి ఉందని మన ఫ్రెండ్స్‌ అందరినీ నమ్మించొచ్చు! పెన్సిల్‌, ఫోర్క్‌తో ఈ మ్యాజిక్‌ చేయడం ఎలానో మనం నేర్చుకుందామా!

ముందుగా ఓ పెన్సిల్‌ తీసుకుని అరచేయి దానిపైన పెట్టండి.

* ఇప్పుడు అరచేతిని గాల్లోకి లేపండి.. పెన్సిల్‌ కూడా చేతికి అతుక్కుని గాల్లోకి లేస్తుంది.

* ఇందులో చిన్న కిటుకు ఉంది.

* పెన్సిల్‌ అతుక్కున్న చేతిని మణికట్టు దగ్గర పట్టుకున్న మరో చేతి దగ్గర అసలు రహస్యమంతా.. ఉంటుంది.

* పైన మణికట్టును పట్టుకున్నచేతి చూపుడు వేలితో పెన్సిల్‌ను పట్టుకోవాలి అంతే!

* ఇది మన స్నేహితులకు కనిపించకుండా జాగ్రత్త పడాలి.

* మన అరచేయి ఎట్టి పరిస్థితుల్లోనూ అవతలవారికి చూపించకూడదు.

* దీంతో వారికి ఇది ఎలా సాధ్యమైందో అర్థం కాదు.

అచ్చం ఇలాగే ఫోర్క్‌తోనూ చేయొచ్ఛు.

* మన చేతికి వాచీ ఉంటే మరో చేయి అవసరం లేకుండానే వాచీ కింద నుంచి మరో వస్తువును ఇలా చిత్రంలో చూపించినట్లు పెట్టి ఫోర్క్‌ లేదా పెన్సిల్‌ను పడిపోకుండా.. చేతికి అతుక్కున్నట్లు చూపించొచ్ఛు.