నవ్వుల్‌.. నవ్వుల్‌..!

అదన్నమాట కారణం

నాన్న: చింటూ.. నీకు లెక్కల్లో సున్నా మార్కులు వచ్చాయేంటి?
చింటు: హాజరవ్వలేదునాన్నా.

నాన్న: ఆ రోజు నువ్వు స్కూలుకు వెళ్లావు కదరా?
చింటు: హాజరు కానిది నేను కాదు నాన్నా... నా ముందు కూర్చునే బిట్టూ..

నాన్న: ఆఁ!!

రెట్టింపు లెక్కింపు!

టీచర్‌: రెండు రెళ్లు ఎంత?
పవన్‌: ఎనిమిది టీచర్‌..

టీచర్‌: తప్పు చెబుతున్నావేంటి పవన్‌?
పవన్‌: అన్ని ధరలూ రెట్టింపు అయ్యాయి కదా టీచర్‌..

కరక్టే కదా సార్‌!

టీచర్‌: గురుత్వాకర్షణ శక్తి అంటే ఏంటి?
వరుణ్‌: గురువును ఆకర్షించే శక్తినే గురుత్వాకర్షణ శక్తి అంటారు టీచర్‌.
టీచర్‌: ఆఁ!!

జస్ట్‌ మిస్‌!

చంటి: నిన్న వరంగల్‌లో జరిగిన బస్సు ప్రమాదం నుంచి నేను త్రుటిలో తప్పించుకున్నాను.
బంటి: అవునా.. ఎలా?

చంటి: నేను ఆ టైంలో కరీంనగర్‌లో మా నాన్నతోపాటు కారులో ఉన్నా.
బంటి: ఊఁ!!