వేలంలో ఇంటి అమ్మకాలు

ఈనాడు, హైదరాబాద్‌: ప్రభుత్వ భూములను వేలంలో విక్రయిస్తున్నారు.. బ్యాంకులు సైతం రుణాలు ఎగ్గొట్టిన ఖాతాదారుల స్థిరాస్తులను వేలం వేస్తుంటాయి. అదే ఇళ్లు, ఫ్లాట్లను యాజమాని ఒక ధర వస్తే విక్రయించేస్తానని అమ్మకానికి పెడుతుంటారు. అమ్ముతున్నట్లు ఎక్కువ మందికి తెలిస్తే మంచి ధర వస్తుందని పత్రికల్లో ప్రకటనలు ఇస్తుంటారు. ఎక్కువ మంది మధ్యవర్తులకు చెబుతుంటారు. ఇప్పుడు ఇంటి విక్రయాల్లోనూ రియల్‌ ఎస్టేట్‌ కన్సల్టెన్సీలు ప్రవేశించడంతో అపార్ట్‌మెంట్లలో ఫ్లాట్లకు సైతం వేలం వేస్తున్నాయి. ఆసక్తికల్గిన కొనుగోలుదారులు బిడ్స్‌ దాఖలు చేయాలని కోరుతున్నాయి. ముఖ్యంగా కార్పొరేట్‌ సంస్థలకు చెందిన  ఫ్లాట్లను విక్రయించేటప్పుడు ఈ విధానాన్ని అనుసరిస్తున్నాయి.