పాలు విరగకుండాఉండాలంటే

ప్రశ్న - సమాధానం

ఈ మధ్య పాలు తరచూ విరిగిపోతున్నాయి. ఇలా పాలు పాడవకుండా ఉండాలంటే ఎలాంటి జాగ్రత్తలు తీసుకోవాలి? -రమ్య, హైదరాబాద్‌
వేసవిలో పాలు త్వరగా విరిగి పోతుంటాయి. ఇలా కాకుండా ఉండటానికి కొన్ని చిట్కాలు...
* పాలు కొన్న వెంటనే కాచి పెట్టుకోవాలి. ఒక్క పొంగుతో ఆపకుండా రెండు, మూడు పొంగులు వచ్చేవరకూ కాచాలి.
* కాచిన పాలను వాడుకోగా మిగిలిన వాటిని చల్లారిన వెంటనే ఫ్రిజ్‌లో పెట్టేయాలి.
* కాచిన పాలను ఎండ తగిలే చోట పెట్టొద్దు. ఇలా చేస్తే వాటిలోని పోషకాలు పోతాయి.
* కాచిన గిన్నెలోనే పాలను ఉంచెయ్యండి. గిన్నెలు మార్చొద్దు.
* మీకు కావాల్సినన్ని పాలను వేరే గిన్నెలోకి తీసుకుని వాడుకోవాలే తప్ప పదే పదే మొత్తం పాలను వేడి చేయొద్దు.
* పాలను మందమైన అడుగు ఉన్న గిన్నెలో, సన్నని మంటపై వేడి చేయాలి. పాలు కాచే ముందు గిన్నెలో కాసిన్ని నీళ్లు పోసి వేడి చేసి పారబోయాలి.
* పాలగిన్నెను ఫ్రిజ్‌లోని అరల్లో పెట్టాలి. డోర్‌ ర్యాక్‌లో పెట్టొద్దు
* మిగిలిన పాలను కొత్త పాలతో కలపొద్దు.