కారం కారంగా.. కార్న్‌ రిబ్స్‌

కావాల్సినవి: స్వీట్‌కార్న్‌ కండెలు- రెండు, కారం- చెంచా, వెల్లుల్లి ముద్ద- అర చెంచా, నిమ్మరసం- పెద్ద చెంచా, ఉప్పు- తగినంత, నూనె- వేయించడానికి సరిపడా.

తయారీ: మొక్కజొన్న కండెలను స్టీమర్‌లో పది నిమిషాలు ఉడికించాలి. ఆ తర్వాత నాలుగు ముక్కలుగా కోసి పెట్టుకోవాలి. గిన్నెలో ఉప్పు, కారం, వెల్లుల్లి పేస్ట్‌, నిమ్మరసం, నూనె వేసి బాగా కలపాలి. ఈ మిశ్రమాన్ని కంకులకు పట్టించి పది నిమిషాలపాటు పక్కన పెట్టాలి. పాన్‌లో నూనె పోసి మీడియం మంటపై వేడి చేయాలి. వేడెక్కిన నూనెలో మసాలా పట్టించిన కంకులు క్రిస్పీ అయ్యేవరకు వేయించాలి. ఆ తర్వాత కొద్దిసేపు టిష్యూపేపర్‌ పై వేయాలి. వీటిని పళ్లెంలోకి తీసుకుని కొద్దిగా కారం చల్లి వేడివేడిగా తింటే బాగుంటాయి.