ఆమె పాడితే... లోకమే వండదా!

నయాట్రెండు
ఆమె పాడితే... లోకమే వండదా!

వంటని చేశామంటే చేసి మమ అనిపించడం ఒకెత్తు. వంటలో ప్రతి క్షణాన్ని ఆస్వాదిస్తూ చేయడం ఒక పద్ధతి. సావన్‌దత్తా వ్లోగ్‌(వీడియో ప్లస్‌ బ్లాగ్‌)ని చూస్తే వంటని ఇంత బాగా ఆడుతూ, పాడుతూ కూడా చేయొచ్చా? అని భోజన ప్రియులు నోరెళ్లబెట్టేస్తున్నారు. ఇలిష్‌(మన పులస) కర్రీ, మచర్‌జోల్‌, ఆలూపోష్తో వంటి బెంగాలీ వంటకాలని సావన్‌దత్త్‌ పాడుతూ వండిన తీరు చూస్తే ‘ఆహా ఏమి రుచి’ అని పాడుకోక తప్పదు. అసలే నోరూరించే వంటకాలు, దానికి తోడు వంటకాలపై అద్భుతమైన సాహిత్యం... దానికి ఇంకా అందంగా పాడేతీరు మనల్ని ఇంకా ఇంకా నోరూరించేలా చేస్తాయి. ఒక్క బెంగాలీ వంటకాలే కాదు... అన్ని రకాల వంటకాలని సావన్‌ పాటల్లో వినాలనుకుంటే సావన్‌దత్తా. కామ్‌లోకి ఒక సారి తొంగి చూసేయండి మరి.