అర్జునుడి శంఖం పేరు తెలుసా?

ఇంటర్నెట్‌ డెస్క్‌: సాగరాన్ని అమృతం కోసం మధించిన సమయంలో శ్రీలక్ష్మీదేవితో పాటు చంద్రుడు, కామధేనువు, కల్పవృక్షం, శంఖం ఆవిర్భవించాయి. వైకుంఠనాథుడైన శ్రీ మహావిష్ణువు పాంచజన్యం అనే శంఖాన్ని ధరించాడు. అందుకనే శంఖానికి పవిత్రత చేకూరింది. లక్ష్మీదేవితో పాటు జన్మించినందున ఆమె రూపమని కొలుస్తారు. శంఖం నుంచి వెలువడే శబ్దం అనేక రుగ్మతలను నివారిస్తుంది. కురుక్షేత్ర యుద్ధంలో అర్జున రథసారథిగా జగన్నాటక సూత్రధారియైన శ్రీకృష్ణుడు పాంచజన్యాన్ని పూరించగా ధనంజయుడు ‘ దేవదత్తం’ అనే శంఖాన్ని పూరిస్తాడు. అలాగే పాండవ అగ్రజుడైన ధర్మరాజు 'అనంత విజయం’ అనే శంఖాన్ని, భీముడు 'పౌండ్రకమ్', నకులుడు 'సుఘోషం'.. సహదేవుడు 'మణిపుష్పకం' అనే శంఖాలను పూరించారు.