సందర్భానికి షూటబుల్‌గా..

డ్రెస్‌లు ఎన్ని ఉన్నా... గాగుల్స్‌ ఎన్ని రకాలుగా వార్డ్‌రోబ్‌ను అలంకరించినా... వేసుకొనే షూస్‌ ఎలా ఉండాలనేది ప్రతి ఒక్కరికీ సమస్యే. దీన్ని అధిగమించడానికి ఫ్యాషన్‌ నిపుణులు మన దగ్గర కచ్చితంగా ఈ నాలుగు రకాల షూస్‌ ఉంటే బాగుంటుందని సూచిస్తున్నారు. ఎలాంటి పార్టీలకైనా, ఎలాంటి ఫంక్షన్లలోనైనా ఈ నాలుగింటిలో ఏదో ఒకటి మనల్ని ప్రత్యేకంగా నిలుపుతాయని చెబుతున్నారు. అందుకే యూత్‌ వార్డ్‌రోబ్‌లో ఈ నాలుగు రకాల షూస్‌ను ఉంచుకోమంటున్నారు. ఎప్పుడు ఏది వేసుకోవాలో నిర్ణయించుకుంటే అందరిలోనూ ట్రెండీగా ఉండొచ్చంటున్నారు.

బ్లాక్‌ ఆక్స్‌ఫర్డ్‌

ఇప్పటికే మీ దగ్గర బ్లాక్‌ ఆక్స్‌ఫర్డ్‌ ఉంటాయి. వీటిని ఫార్మల్‌ మీటింగ్స్‌, ఆఫీసులకు వాడుకోవచ్చు. ఎంత శుభ్రంగా ఉంచుకుంటామనే దానిపై వీటి అందం ఆధారపడి ఉంటుంది.

చెల్సీ బూట్స్‌ 

ఇవి అఫీషియల్‌గానూ, క్యాజువల్‌గానూ ఉపయోగపడతాయి. రిచ్‌ లుక్‌ ఇస్తాయి. బ్రౌన్‌ లెదర్‌లో మన పాదాలకు రెట్టింపు అందాన్ని తెస్తాయి. 

రన్నింగ్‌ స్నీకర్స్‌

వీటిల్లో కొత్త డిజైన్స్‌ మీ దగ్గర ఉంటే స్పోర్ట్స్‌ లుక్‌లో మీరు అప్‌డేట్‌ అయినట్లే. జీన్స్‌, టీషర్ట్స్‌లపైకి ఇవి ఎంతో అదనపు హంగును ఇస్తాయి.

సూడ్‌ లూఫర్స్‌

క్యాజువల్‌ పార్టీలకు వెళ్లేటప్పుడు ఇవి ఎంతగానో ఆకట్టుకుంటాయి. జీన్స్‌, టీషర్ట్స్‌ల పైకి మంచి లుక్‌ ఇస్తాయి. ఫ్రెండ్స్‌తో క్యాజువల్‌ అవుటింగ్‌కి వెళ్లడానికి ఇవి సరిపోతాయి.