Published : 28 Aug 2021 01:12 IST

ఇంట్లోనే ఫిట్‌హిట్‌

ఫిట్‌గా ఉండటం కుర్రకారు కల. కానీ జిమ్‌కెళ్లడం కొందరికి నచ్చదు. బయటికెళ్లాలంటే బద్ధకం. అన్నింటికీ మించి ఇప్పుడు పరిస్థితులేం బాగా లేవు. అలాంటివాళ్లు ఇంట్లోనే, తక్కువ స్థలంలోనే చేయదగ్గ కొన్ని తేలికైన వ్యాయామాలివి.

లాంజెస్‌: తుంటి బలపడటానికి ఇది మంచి వ్యాయామం. చిన్న మ్యాట్‌ వేసుకొని దానిపైనే వర్కవుట్‌ చేయొచ్చు. తుంటి, మోకాలు కదలికలు బాగుండటానికి, కండరాలు బలపడటానికి ఈ వర్కవుట్‌ సహకరిస్తుంది. దీని ప్రభావంతో లోయర్‌ బాడీ మొత్తానికి వ్యాయామం అందుతుంది.

జంపింగ్‌ స్కాట్స్‌: ఇంట్లోనే చేసుకోదగ్గ హై-ఇంటెన్సిటీ వర్కవుట్‌ ఇది. కాలి నుంచి పిరుదుల వరకు మంచి శరీరాకృతి రావడానికి, కండరాలు దృఢం కావడానికి ఈ వ్యాయామం తోడ్పడుతుంది. పిక్కలు, వీపు భాగానికి సైతం ప్రయోజనాలుంటాయి.

పుషప్స్‌: కాళ్లు, చేతులు నేలకు ఆనించి శరీర బరువునంతా వాటిపై మోపి చేసే వ్యాయామం. ఇది తరచూ చేస్తుంటే శరీరానికి ఆక్సిజన్‌ శాతం బాగా అందుతుంది. ఈ వర్కవుట్‌ చేస్తున్నప్పుడు గట్టిగా గాలి పీల్చి ఒక్క క్షణం ఆగి వదులుతుండాలి.

మౌంటెయిన్‌ క్లైంబర్స్‌: ఇది టోటల్‌ బాడీ వర్కవుట్‌. కార్డియో వ్యాయామం కూడా. మెడ నుంచి కాలి వరకు ప్రతి జాయింట్‌, కండరంపై సానుకూల ప్రభావం చూపిస్తుంది. ట్రైసెప్‌, కండరాలు, వీపు, తొడలు.. దృఢమవుతాయి.

స్కిప్పింగ్‌: ఇది పూర్తి బాడీ వర్కవుట్‌. శరీరంలో చురుకుదనం, స్థిరత్వం, సమన్వయం మెరుగు పడటానికి ఎంతో ఉపకరిస్తుంది.

సస్పెన్షన్‌ పులప్స్‌: ఇంటి గోడ, చెట్టు.. దేనికైనా సస్పెన్షన్‌ బ్యాండ్స్‌ తగిలించి రో, గెటప్స్‌, మాడిఫైడ్‌ పులప్స్‌ చేయొచ్చు. వీపు పైభాగం, భుజాలు, చేతులు దృఢమవుతాయి.


Advertisement

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని