Gold Rate:  పెరిగిన పసిడి ధరలు 

దిల్లీ: బంగారం ధర మళ్లీ పెరుగుతోంది. దిల్లీలో శుక్రవారం 10 గ్రాముల స్వచ్ఛమైన పసిడి ధర రూ.441లు పెరగడంతో రూ.48,530కి చేరింది.  నిన్న 10 గ్రాములు రూ.48,089 వద్ద ట్రేడ్‌ అయింది. పసిడి బాటలోనే వెండి కూడా పయనించింది. శుక్రవారం రూ.1,148లు పెరగడంతో కిలో వెండి ధర రూ.71,432కి చేరింది. క్రితం ట్రేడింగ్‌లో ఈ ధర రూ.70,284గా ఉంది. మరోవైపు, అంతర్జాతీయ మార్కెట్లో ఔన్సు బంగారం ధర 1896 డాలర్లుగా ట్రేడవుతుండగా.. ఔన్సు వెండి ధర 28.15 డాలర్లుగా ఉంది. అంతర్జాతీయ పసిడి ధరల్లో చోటుచేసుకున్న మార్పులే దీనికి కారణమని నిపుణులు పేర్కొంటున్నారు. ఇకపోతే, హైదరాబాద్‌లో 10గ్రాముల స్వచ్ఛమైన బంగారం ధర రూ.50వేలకు పైగా ట్రేడవుతోంది.