ఎంత కావాలి...ఆరోగ్య బీమా?
పిల్లలు పుట్టిన వెంటనే వారిని కూడా ఆరోగ్య బీమా పరిధిలోకి తీసుకురావాలి
పెరుగుతున్న వైద్య ఖర్చులను తట్టుకోవడానికి ఆరోగ్య బీమా తీసుకోవడం అంత ఉత్తమం మరోటి లేదు. మరి ఈ బీమాను ఎంత మొత్తానికి తీసుకోవాలి? ఈ ప్రశ్నకు సమాధానం మాత్రం అంత తేలికేమీ కాదు. జీవిత బీమాకూ ఆరోగ్య బీమాకూ మధ్య ఎంతో వ్యత్యాసం ఉంది. వార్షిక ఆదాయానికి ఇన్ని రెట్లు జీవిత బీమా తీసుకుంటే సరిపోతుందని... లేదా ఒక వ్యక్తి ఆర్థిక పరిస్థితిని బట్టి, ఎంత బీమా తీసుకుంటే ధీమాగా ఉండవచ్చో తేలిగ్గా సూత్రీకరించవచ్చు. కానీ, ఆరోగ్య బీమా విషయంలో ఇలా చెప్పడం ఎంతో కష్టం. ఎందుకంటే.. అనారోగ్యం ఏ రూపంలో వస్తుందో.. దానికి ఎంత ఖర్చవుతుందో ముందుగానే ఊహించడం దాదాపు అసాధ్యమనే చెప్పాలి. మరి కుటుంబానికి అనారోగ్యంలో ఆర్థిక అండగా ఉండాలంటే.. ఆరోగ్య బీమా పాలసీని ఎంత మొత్తానికి తీసుకోవాలి? ఈ ప్రశ్నకు సమాధానం కొంచెం కష్టమే అయినప్పటికీ కొన్ని అంశాల ఆధారంగా దీని విషయంలోనూ ఒక నిర్ణయానికి రావచ్చు.
వయసెంత?
ఆరోగ్య బీమా పాలసీని ఎంతకు తీసుకోవాలని నిర్ణయించుకునేముందు వయసును పరిగణనలోనికి తీసుకోవడం మర్చిపోవద్దు. ఎంత చిన్న వయసులో పాలసీని తీసుకుంటే అంత మంచిది.
ఉదాహరణకు 35 ఏళ్ల వయసు వ్యక్తి వ్యక్తిగత పాలసీ తీసుకోవాలని భావించినప్పుడు కనీసం రూ. 3-5 లక్షల బీమా హామీతో పాలసీని ఎంచుకోవాలి. ఆ తర్వాత నుంచి ఏటా కనీసం 10 నుంచి 15శాతం పాలసీ విలువను పెంచుకుంటూ వెళ్లాలి. అదే సమయంలో ముందస్తు వ్యాధులు ఉండటానికి అవకాశం చాలా తక్కువగా ఉంటుంది. కొన్ని బీమా సంస్థలు 46 ఏళ్లు ఆ పైన ఉన్నవారికి, ముఖ్యంగా సీనియర్ సిటిజన్లకు (60 ఏళ్లు దాటిన వారికి) ప్రత్యేక పాలసీలను అందిస్తున్నాయి. ఇందులో ప్రత్యేకతలు కూడా ఉంటాయి. సాధారణ పాలసీల్లోలాగా వేచి ఉండే సమయం అంత ఎక్కువగా ఉండకపోవచ్చు. అందుకే, పాలసీలను ఎంచుకునేప్పుడు మీ వయసు ఆధారంగా ఏమైనా ప్రత్యేక పథకాలు ఉన్నాయా అన్నది కూడా ఒకసారి చూడటం ఉత్తమం.
మారుతున్న అవసరాలకు తగ్గట్టుగా..
జీవితంలోని వివిధ దశలను బట్టి, బీమా అవసరాలు కూడా మారుతుంటాయి. కాబట్టి, ఆరోగ్య బీమా హామీ నిర్ణయించేటప్పుడు మీ అవసరాలేమిటి అన్నది కూడా చూసుకోవాలి. అప్పుడే సరైన మొత్తానికి పాలసీని తీసుకోవడానికి వీలవుతుంది. మీకు పెళ్లయితే.. జీవిత భాగస్వామికి కూడా ఆరోగ్య బీమా రక్షణ కల్పించాలి. పిల్లలు పుట్టిన వెంటనే వారిని కూడా ఆరోగ్య బీమా పరిధిలోకి తీసుకురావాలి. అప్పుడు వారిని కూడా దృష్టిలో పెట్టుకొని పాలసీ సరిపోతుందా లేదా అన్నది సమీక్షించుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
ఈనాడు.నెట్లో టాప్ 10 వార్తలు @ 9PM
-
మహేశ్ బాబు, మమ్ముట్టి, షారుక్లతో సినిమా.. నెల్సన్ ప్లాన్ ఇదే..
-
టిబెట్ అంశంపై వారితో మాత్రమే చర్చిస్తాం : చైనా
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
పిఠాపురంలో రూ.80లక్షల విలువైన మద్యం పట్టివేత