బ్లూపిన్‌ టెక్‌లో ఐటీసీ 10% వాటా కొనుగోలు

దిల్లీ: డైరెక్ట్‌ టు కన్జూమర్‌ (డి2సి) బ్రాండ్‌ ‘మైలో’ను నడిపిస్తున్న బ్లూపిన్‌ టెక్నాలజీస్‌లో 10.07 శాతం వాటాను ఐటీసీ శనివారం కొనుగోలు చేసింది. ఇందుకోసం రూ.39.34 కోట్లు వెచ్చించింది. ఈ పెట్టుబడి అభివృద్ధి చెందుతున్న కంటెంట్‌-టు-కమ్యూనిటీ-టు-కామర్స్‌ రంగంలో సంస్థకు ముందస్తు కదలికల (ఎర్లీ మూవర్‌) ప్రయోజనాన్ని కలిగిస్తుందని, అలాగే డి2సి రంగంలో మరింత విస్తరించడానికి కూడా దోహదం చేస్తుందని ఐటీసీ తెలిపింది. బ్లూపిన్‌ టెక్‌ అనేది వెబ్‌, యాప్‌ ఆధారిత కంటెంట్‌-టు-కమ్యూనిటీ-టు-కామర్స్‌ ప్లాట్‌ఫామ్‌. ఈ సంస్థ తల్లీబిడ్డల సంరక్షణ ఉత్పత్తులు, సేవలను మైలో బ్రాండ్‌ కింద అందిస్తోంది.