ఆహారం, పానీయాల వ్యాపారంలోకి రిలయన్స్‌ బ్రాండ్స్‌

దిల్లీ: ఆహారం, పానీయాల వ్యాపారంలోకి అడుగుపెట్టినట్లు రిలయన్స్‌ బ్రాండ్స్‌ ప్రకటించింది. బ్రిటన్‌కు చెందిన తాజా ఆహారం, ఆర్గానిక్‌ కాఫీ సంస్థ ‘ప్రెట్‌ ఏ మ్యాంగర్‌’తో దీర్ఘకాలిక మాస్టర్‌ ఫ్రాంఛైజీ భాగస్వామ్యాన్ని రిలయన్స్‌ బ్రాండ్స్‌ కుదుర్చుకుంది. భారత్‌లో బ్రాండ్‌ నిర్మాణం, దేశవ్యాప్తంగా విక్రయశాలల ఏర్పాటు వంటి పనులను నిర్వహించనుంది. ముందు ప్రధాన నగరాలు, పర్యాటక ప్రాంతాల్లో ఈ ఔట్‌లెట్‌లను ఏర్పాటు చేయనుంది. 1986లో లండన్‌లో ప్రారంభమైన ప్రెట్‌ ఏ మ్యాంగర్‌కు ప్రస్తుతం బ్రిటన్‌, అమెరికా, హాంకాంగ్‌, ఫ్రాన్స్‌, దుబాయ్‌, స్విట్జర్లాండ్‌, బ్రసెల్స్‌, సింగపూర్‌, జర్మనీల్లో 550 షాపులు ఉన్నాయి.