ఆధార్‌తో జత చేశారా?

ఒక వ్యక్తికి ఒకటికి మించి పాన్‌ కార్డులు లేకుండా చూసే చర్యల్లో భాగంగా కేంద్ర ప్రత్యక్ష పన్నుల బోర్డు (సీబీడీటీ) పాన్‌ను తప్పనిసరిగా ఆధార్‌తో అనుసంధానం చేయాలనే నిబంధన విధించింది. దీనికోసం మార్చి 31 వరకూ గడువునిచ్చింది. ఆ తర్వాత పాన్‌ - ఆధార్‌ అనుసంధానం చేసేందుకు రూ.500 అపరాధ రుసుముతో జూన్‌ 30 వరకూ సమయం ఇచ్చింది. అప్పటికీ జత చేయనివారు జులై 1 నుంచి రూ.1,000 రుసుము చెల్లించాల్సి ఉంటుంది. పాన్, ఆధార్‌లో పేర్లు, పుట్టిన తేదీ వివరాలు ఒకేలా ఉండాలి. లేకపోతే వీటిని జత చేయడం కుదరదు. కాబట్టి, ఏమైనా తప్పులుంటే వాటిని సరి చేసుకోండి.