Nokia 105 Classic: యూపీఐ ఫీచర్‌తో నోకియా 105 క్లాసిక్‌ ఫోన్‌

Nokia 105 Classic | నోకియా మరో ఫీచర్‌ ఫోన్‌ను విడుదల చేసింది. నోకియా 105 సిరీస్‌లో దీన్ని తీసుకొచ్చింది. నోకియా 105 క్లాసిక్‌ పేరిట వస్తున్న ఈ ఫోన్‌లో ఆన్‌లైన్‌ లావాదేవీలను సులభతరం చేసేలా యూపీఐ అప్లికేషన్‌ను ఇన్‌బిల్ట్‌గా ఇస్తుండడం విశేషం. ఈ ఫోన్‌పై కంపెనీ ఏడాది రీప్లేస్‌మెంట్‌ గ్యారెంటీ కూడా ఇస్తోంది. సింగిల్‌ సిమ్‌, డ్యుయల్‌ సిమ్‌ వేరియంట్లలో ఇది అందుబాటులో ఉంది. ఛార్జర్‌తో కలిపి లేదా ఛార్జర్‌ లేకుండా కూడా దీన్ని కొనుగోలు చేయొచ్చు. రెండు రంగుల్లో ఈ ఫోన్‌ లభిస్తోంది.

నోకియా 105 క్లాసిక్‌ ధర రూ.999. 800mAh బ్యాటరీని పొందుపర్చారు. వైర్‌లెస్‌ ఎఫ్‌ఎం రేడియో ఫీచర్‌ కూడా ఉంది. పూర్తి ఫీచర్ల జాబితాను కంపెనీ అధికారికంగా విడుదల చేయలేదు. ఈ ఏడాదిలోనే యూపీఐ 123పే సపోర్ట్‌తో నోకియా 105 (2023) సైతం విడుదలైన విషయం తెలిసిందే. దీని ధర రూ.1,299. చార్‌కోల్‌, సియాన్‌, ఎరుపు రంగుల్లో ఇది అందుబాటులో ఉంది.