పసిడి డెలివరీకి 2 దేశీయ సంస్థలు

ఎంపిక చేసుకున్న ఎంసీఎక్స్‌
తొలుత 100 గ్రాముల కడ్డీలతో ప్రారంభం

ముంబయి: మల్టీ కమొడిటీ ఎక్స్ఛేంజీ ఆఫ్‌ ఇండియా (ఎంసీఎక్స్‌) తన ప్లాట్‌ఫాంపై పసిడి డెలివరీ నిమిత్తం రెండు దేశీయ పసిడి రిఫైనర్లు ఎం డి ఓవర్‌సీస్‌, కుందన్‌ కేర్‌ ప్రోడక్ట్స్‌లను ఎంపిక చేసుకుంది. ఇప్పటివరకు లండన్‌ బులియన్‌ మార్కెట్‌ అసోసియేషన్‌ అనుమతి ఉన్న రిఫైనర్లు మాత్రమే పసిడి, వెండి కడ్డీలను డెలివరీ చేస్తున్నాయని ఎంసీఎక్స్‌ ఒక ప్రకనటలో తెలిపింది. ఎంపిక చేసుకున్న ఈ రెండు దేశీయ రిఫైనర్లు, శుద్ధి చేసిన పసిడి కడ్డీల డెలివరీని తొలుత డెరివేటివ్‌ కాంట్రాక్టులోని 100 గ్రాముల పసిడి కడ్డీలతో ప్రారంభిస్తాయని పేర్కొంది. మరికొన్ని రిఫైనర్లపై ప్రస్తుతం ఆడిట్‌ ప్రక్రియ జరుగుతోందని, ఇవి కూడా త్వరలో జత అవుతాయని తెలిపింది.