ఏపీలో స్కూల్‌ బస్సు ప్రమాదాలు.. పలువురు విద్యార్థులకు గాయాలు

సత్తెనపల్లి: పల్నాడు జిల్లా సత్తెనపల్లి మండలం గండ్లూరు అడ్డరోడ్డు సమీపంలో స్కూల్ బస్సు ప్రమాదానికి గురైంది. సోమవారం సాయంత్రం సత్తెనపల్లి నుంచి చుట్టుపక్కల గ్రామాలకు చెందిన 50 మంది విద్యార్థులతో వెళుతున్న స్కూల్ బస్సు గండ్లూరు వద్ద అదుపుతప్పి పంట పొలాల్లోకి దూసుకెళ్లింది. ఈ ఘటనలో 10 మంది విద్యార్థులకు స్వల్ప గాయాలయ్యాయి.

కడప జిల్లాలోనూ..

కడప జిల్లాలోని వల్లూరు మండలం అంబరం వద్ద మరో స్కూల్‌ బస్సు కాలువలోకి దూసుకెళ్లింది. ఈ ఘటనలో 12 మంది విద్యార్థులకు గాయాలయ్యాయి. చికిత్స నిమిత్తం వారిని కడప రిమ్స్‌కు తరలించారు. ప్రమాద సమయంలో బస్సులో 30 మంది విద్యార్థులు ఉన్నారు.