యువకుడి బలవన్మరణం

భరత్‌కుమార్‌ (పాతచిత్రం)

మడకశిర, న్యూస్‌టుడే: సివిల్స్‌ పరీక్షలు బాగా రాసి ఉత్తీర్ణత సాధిస్తానా లేదా అనే బెంగతో భరత్‌కుమార్‌(23) అనే యువకుడు బుధవారం ఆత్మహత్యకు పాల్పడ్డాడు. పూర్తి వివరాల మేరకు.. మడకశిర మండలంలోని ఆర్‌.అనంతపురం గ్రామానికి చెందిన ఉగ్రప్ప కుమారుడు భరత్‌కుమార్‌ హైదరాబాద్‌లో సివిల్స్‌ కోచింగ్‌ పూర్తి చేసుకుని కొన్ని రోజుల కిందట ఇంటికి వచ్చాడు. తెల్లవారుజామున ఇంట్లో ఎవరూ లేని సమయంలో ఉరి వేసుకుని ఆత్మహత్య చేసుకున్నట్లు బంధువులు తెలిపారు. కుమారుడు ఐఏఎస్‌ అవుతాడని కలలు కన్న తల్లిదండ్రులు మృతదేహంపై పడి రోధించారు. పోలీసులు ఘటనా స్థలాన్ని పరిశీలించారు. తండ్రి ఫిర్యాదు మేరకు కేసు దర్యాప్తు చేపట్టారు.