వైకాపాలో బహిర్గతమైన విభేదాలు

అసమ్మతి వర్గం నాయకులతో సమావేశమైన  అశోక్‌కుమార్‌

మడకశిర, న్యూస్‌టుడే: మడకశిర వైకాపాలో వర్గ విభేదాలు మరోసారి బహిర్గతమయ్యాయి. పార్టీ నియోజకవర్గ పరిశీలకుడు పోకల అశోక్‌కుమార్‌ పట్టణంలో ఏర్పాటు చేసిన వైకాపా సమావేశానికి హాజరయ్యేందుకు మంగళవారం ఇక్కడకు వచ్చారు. సమావేశానికి ముందుగా ఆయన అసమ్మతి వర్గానికి చెందిన వైకాపా రాష్ట్ర కార్యదర్శి, న్యాయవాది గోవర్ధన్‌రెడ్డి ఇంటికి వెళ్లి ఆ వర్గం నాయకులతో సమావేశమయ్యారు. ఎమ్మెల్యే డాక్టర్‌ తిప్పేస్వామిపై అసమ్మతివర్గం నాయకులు ఫిర్యాదు చేశారు. నియోజకవర్గంలో సచివాలయ కన్వీనర్లను ఎమ్మెల్యే ఇష్టారాజ్యంగా నియమించారని పరిశీలకుడి దృష్టికి వారు తీసుకెళ్లగా.. రాతపూర్వకంగా ఇస్తే అధిష్ఠానం దృష్టికి తీసుకెళ్తామని తెలిపారు. అసమ్మతి నాయకులు మాజీ మంత్రి నరసేగౌడ్‌, మాజీ ఎమ్మెల్యే వైటీప్రభాకర్‌రెడ్డి, రవిశేఖర్‌రెడ్డి, కరుణాకర్‌, రంగేగౌడ్‌ తదితరులు పాల్గొన్నారు.