తెదేపా అధినేతకు ఘనస్వాగతం

అనంతపురం (కళ్యాణదుర్గంరోడ్డు), న్యూస్‌టుడే: తెదేపా అధినేత చంద్రబాబు ఉమ్మడి జిల్లా పర్యటనకు వచ్చిన సందర్భంగా గురువారం అనంతపురం గ్రామీణం ప్రసన్నాయపల్లి హెలీప్యాడ్‌ వద్ద అనంతపురం  జిల్లా తెదేపా అధ్యక్షుడు కాలవ శ్రీనివాసులు, అనంతపురం అర్బన్‌ మాజీ ఎమ్మెల్యే ప్రభాకర్‌చౌదరి, అర్బన్‌ తెదేపా శ్రేణులు పెద్ద ఎత్తున చేరుకున్నారు. చంద్రబాబుకు పుష్పగుచ్ఛాలు అందించి ఘనంగా స్వాగతం పలికారు. చంద్రబాబు వాహనశ్రేణి వెంట రాప్తాడు సభకు బయలుదేరి వెళ్లారు. తాడిపత్రి నియోజవర్గ అభ్యర్థి జేసీ అస్మిత్‌రెడ్డి ఆర్డీటీ అతిథి గృహంలో చంద్రబాబును కలిసి సన్మానించారు. తెదేపా డాక్టర్‌ సెల్‌ విభాగం జిల్లా అధ్యక్షురాలు పత్తి హిమబిందు, చంద్రబాబును కలిశారు. పూర్వపు అధ్యక్షుడు బీకే పార్థసారథిని అనంతపురం నగరం రాంనగర్‌లో నివాసంలో ఇటీవల హిందూపురం పార్లమెంటు అధ్యక్షుడుగా నియమించిన బీవీ వెంకట్రాముడు మర్యాదపూర్వకంగా కలిశారు.