35 ఏళ్లుగా గరుడసేవకు పాదయాత్ర

శ్రీవారిరథంతో వస్తున్న తమిళనాడు భక్తులు

రామచంద్రాపురం, న్యూస్‌టుడే: తమిళనాడు రాష్ట్రం ఆర్కాట్ తాలూకాలోని 40 గ్రామాల ప్రజలు 35 సంవత్సరాలుగా శ్రీవారి గరుడసేవకు పాదయాత్రగా తరలి వస్తున్నారు. 35 సంవత్సరాల క్రితం 10 మంది గోవింద భక్తులతో ప్రారంభమై ప్రస్తుతం 3000 మందితో  గరుడసేవకు బయలు దేరారు. రెండు గొడుగులతో పాటు స్వామివారి రథం ఊరేగింపుతో పాదయాత్ర చేపట్టారు. బుధవారం రాత్రి రాయలచెరువు కట్ట కింద ఆంజనేయస్వామి ఆలయంలోని రాయలవారి మండపంలో బస చేశారు. ఇదంతా శ్రీవేంకటేశ్వరస్వామి కృపవల్లే జరుగుతున్నట్లు తాము ఉన్నంత వరకు యాత్ర కొనసాగిస్తామని తెలిపారు. పాదయాత్ర నిర్వాహకులు వినోబా, వెంకటేశన్‌, గాంధీ, చంద్రమోహన్‌లు పాల్గొన్నారు.