సీఐకి త్రుటిలో తప్పిన ప్రమాదం

పోలీస్‌ జీపును ఢీకొన్న ట్రాక్టరు

ప్రమాదంలో దెబ్బతిన్న పోలీసు జీపు

నాయుడుపేట, న్యూస్‌టుడే: అయ్యప్పరెడ్డిపాళెం సమీపంలో జాతీయ రహదారి వద్ద గురువారం పోలీస్‌ జీపు, ట్రాక్టరు ఢీకొన్న ప్రమాదంలో నాయుడుపేట పట్టణ సీఐ ప్రభాకర్‌రావు, కానిస్టేబుల్‌, హోంగార్డుకు ప్రమాదం త్రుటిలో తప్పింది. విధి నిర్వహణలో భాగంగా పండ్లూరు నుంచి నాయుడుపేట వైపుగా వస్తోన్న జీపును ఇదే మార్గంలో ఎదురుగా వస్తున్న ట్రాక్టరు ఢీకొంది. జీపు ముందుభాగం దెబ్బతినగా సీఐ ప్రభాకర్‌రావు, కానిస్టేబుల్‌ చిరంజీవి, హోంగార్డు వెంకి గాయపడ్డారు. వారికి స్థానిక ప్రైవేటు ఆసుపత్రిలో ప్రథమ చికిత్స చేయించారు. సీఐ నెల్లూరు ఆసుపత్రిలో చికిత్స పొందుతున్నారు. గాయపడిన వారిని ఎమ్మెల్యే కిలివేటి సంజీవయ్య, స్థానిక నేతలు పరామర్శించారు. పోలీసులు ట్రాక్టరు డ్రైవర్‌ను అదుపులోకి తీసుకుని విచారిస్తున్నారు.

చికిత్స పొందుతున్న సీఐ ప్రభాకర్‌రావు