తిరుమల నడకదారిలో చిరుత

తిరుమల, న్యూస్‌టుడే: అలిపిరి-తిరుమల నడకదారిలో మరోమారు చిరుత సంచారం కలకలం సృష్టించింది. ఈనెల 25, 26వ తేదీ తెల్లవారుజామున నడకదారికి 150 మీటర్ల దూరంలో చిరుత సంచరించిందని, అటవీశాఖ ఏర్పాటుచేసిన ట్రాప్‌ కెమెరాల్లో చిరుత సంచారం గుర్తించినట్లు తితిదే అటవీశాఖ డీఎఫ్‌వో శ్రీనివాసులు వెల్లడించారు. బాలిక లక్షితపై దాడి జరిగిన అనంతరం ఇప్పటికే ఆరు చిరుతలను అటవీశాఖ అధికారులు బోన్లలో బంధించి అనంతరం వివిధ ప్రాంతాల్లో విడిచిపెట్టారు. వాటిలో నాలుగో చిరుత చిన్నారిపై దాడిచేసి హతమార్చినట్లు గుర్తించిన విషయం తెలిసిందే. ఈ నేపథ్యంలో మరో చిరుత సంచారం కనిపించిన నేపథ్యంలో తితిదే అటవీశాఖ ఆధ్వర్యంలో భక్తులను గుంపులుగా పంపడం, చేతికర్రలు అందించడంతోపాటు సిబ్బందిని ఆ మార్గంలో భక్తుల భద్రతకు సాయంగా ఏర్పాటు చేసినట్లు డీఎఫ్‌వో తెలిపారు.