24 గంటలు.. 816 కొవిడ్‌ కేసులు

మసీదుసెంటర్‌: గత24 గంటల్లో 816 కొవిడ్‌ కేసులు నమోదయ్యాయి. పాజిటివ్‌ కేసుల సంఖ్య 2,99,987కి చేరింది. మొత్తంగా 2,94,024 మంది కోలుకోగా, ప్రస్తుతం 4,673 క్రియాశీలక కేసులున్నాయి. డీఎంహెచ్‌వోకు పాజిటివ్‌:జిల్లా వైద్యాధికారి డాక్టర్‌ గౌరీశ్వరరావుకు కరోనా సోకింది. ఆయన హోమ్‌ ఐసొలేషన్‌లో ఉన్నారు. అదనపు డీఎంహెచ్‌వో డాక్టర్‌ బి.మీనాక్షి పర్యవేక్షిస్తున్నారు.

388 మందికి టీకాలు: జిల్లాలో 15-17 ఏళ్ల బాల బాలికలు 388 మందికి కొవిడ్‌ నివారణ టీకాలు వేశారు.3,863 మందికి ముందుజాగ్రత్త డోసులు వేశారు. రెండో డోసు 23,715 మందికి వేశారు.

ఒకే పాఠశాలలో 23 మందికి..: వరరామచంద్రాపురం: వీఆర్‌పురంలోని జడ్పీ ఉన్నత పాఠశాలలో ఉపాధ్యాయ, ఇతర సిబ్బందిలో 8 మందికి, విద్యార్థులు 15 మందికి పాజిటివ్‌గా నిర్ధారణ అయింది. ఇదే పాఠశాలలో గురువారం ఓ ఉపాధ్యాయుడు కరోనా బారినపడ్డారు.