కేంద్ర పథకాల అమలు తీరుపై సమీక్ష

కాకినాడ కలెక్టరేట్‌: కేంద్ర ప్రభుత్వ పథకాల అమలు తీరుపై శనివారం ప్రధాని మోదీ వర్చువల్‌లో సమీక్షించారు. కలెక్టరేట్‌ నుంచి జేసీ(అభివృద్ధి) కీర్తి, ఇతర అధికారులు హాజరయ్యారు. నీతి ఆయోగ్‌ సీఈవో అమితాబ్‌కాంత్‌ మాట్లాడుతూ కేంద్ర, రాష్ట్ర ప్రభుత్వాల భాగస్వామ్యంతో జిల్లాల్లో పెద్దఎత్తున అభివృద్ధి కార్యక్రమాలు అమలు చేస్తున్నామన్నారు. గ్రామీణ ప్రాంతాల్లో విద్య, ఆరోగ్యం, పోషకాహారం, టెలీమెడిసిన్‌, వ్యవసాయం, విద్యుత్తు, తాగునీరు, అంబులెన్స్‌ సేవలు అందిస్తున్నట్టు చెప్పారు. వీటిని ప్రజలకు వేగవంతంగా చేరేలా అధికారులు సమర్థంగా పనిచేయాలన్నారు. పర్యవేక్షణకు ప్రత్యేక నోడల్‌ బృందాలను నియమిస్తున్నట్లు తెలిపారు. అనంతరం కేంద్ర పథకాల తీరుపై సమీక్షించారు.