వివరాలు వెల్లడిస్తున్న ఎస్టీయూ జిల్లా అధ్యక్షుడు రమణారెడ్డి

కడప విద్య, న్యూస్‌టుడే : విలీన ప్రక్రియ నుంచి ఉర్దూ పాఠశాలలను మినహాయించాలని ఎస్టీయూ జిల్లా అధ్యక్షుడు రమణారెడ్డి పేర్కొన్నారు. శనివారం స్థానిక ఎస్టీయూ భవన్‌లో ముఖ్య నాయకుల సమావేశం జరిగింది. ఈ సందర్భంగా ఆయన మాట్లాడుతూ నూతన జాతీయ విద్యావిధానం (ఎన్‌ఈపీ) పేరుతో ఉర్దూ పాఠశాలలను ఇతర మాధ్యమ బడుల్లో కలపడం సరికాదన్నారు. ఉర్దూ ~ర3, 4, 5 తరగతుల విద్యార్థులను ఇతర మాధ్యమ ఉన్నత పాఠశాలలోల కలపడం వలన విద్యార్థుల భవిష్యత్తు అగమ్యగోచరంగా మారే ప్రమాదం ఉందన్నారు. ఈ ప్రయత్నాన్ని తక్షణమే ఉపసంహరించుకోవాలని ప్రభుత్వాన్ని డిమాండు చేశారు. జిల్లా ప్రధాన కార్యదర్శి సునీల్‌కుమార్‌ మాట్లాడుతూ ఉర్దూ ఉపాధ్యాయులను ఇతర మాధ్యమ ఉన్నత పాఠశాలలకు సర్దుబాటు చేస్తే ఆ ఉపాధ్యాయులు తమ వృత్తికి ఎలా న్యాయం చేయగలరో ఆలోచించాలన్నారు. కార్యక్రమంలో నాయకులు సుబ్రహ్మణ్యంరాజు, కంభం బాలగంగిరెడ్డి, ఎస్‌ఎండీ ఇలియాస్‌బాషా, సత్యనారాయణ, మహబూబ్‌బాషా, విజయభాస్కర్‌, రవిశంకర్‌రెడ్డి పాల్గొన్నారు.