దూసుకొచ్చిన మృత్యువు

రోడ్డు ప్రమాదంలో యువకుడి మృతి 

జమ్మలమడుగు, న్యూస్‌టుడే: నగర పంచాయతీ పరిధిలో జరిగిన రోడ్డు ప్రమాదంలో ఒక యువకుడు చనిపోగా మరో ఇద్దరు తీవ్రంగా గాయపడ్డారు. పట్టణ ఎస్‌ఐ తిమోతి చెప్పిన సమాచారం మేరకు.. మైలవరం మండలం తొర్రివేములకు చెందిన శ్రీకాంత్, మధుసూదన్, కన్నెలూరులో నివాసముంటున్న సంజీవరెడ్డి ముగ్గురు సోమవారం  శేషారెడ్డిపల్లె నుంచి బైపాస్‌ దాటుతుండగా ప్రొద్దుటూరు వైపు నుంచి వస్తున్న కారు ఢీ కొంది. శ్రీకాంత్‌ (18) అక్కడికక్కడే మృతి చెందినట్లు పేర్కొన్నారు. గాయపడిన ఇద్దరిని 108 వాహనంలో జమ్మలమడుగు ప్రభుత్వ ఆసుపత్రికి తరలించినట్లు చెప్పారు.