పోషకాహారంతో రక్తహీనత దూరం

విద్యార్థులకు అవగాహన కల్పిస్తున్న కలెక్టర్‌ కర్ణన్‌

తిమ్మాపూర్‌, న్యూస్‌టుడే : రక్తహీనత సమస్యతో బాధపడుతున్న ప్రతి ఒక్కరూ ఐరన్‌, చిరుధాన్యాల ఆహారం ఎక్కువగా తీసుకోవాలని, రక్తహీనతపై అవగాహన పెంచుకోవాలని జిల్లా పాలనాధికారి ఆర్‌.వి.కర్ణన్‌ అన్నారు. మండలంలోని వాగేశ్వరి ఇంజినీరింగ్‌ కళాశాలలో పోషణ్‌ అభియాన్‌లో భాగంగా శనివారం ఫార్మసీ విద్యార్థులకు రక్త పరీక్ష కేంద్రం ప్రారంభించారు. కలెక్టర్‌ మాట్లాడుతూ.. జిల్లాలో ఇప్పటివరకు 2.30 లక్షల మందికి అనీమియా పరీక్షలను నిర్వహించినట్లు తెలిపారు. జిల్లా సంక్షేమాధికారి సబితా కుమారి, తహసీల్దార్‌ కనకయ్య, వైద్యాధికారులు, సీడీపీవోలు, విద్యార్థులు తదితరులు పాల్గొన్నారు.