వైభవంగా కన్నడ హారతి ఊరేగింపు

విద్యార్థులు, ముత్తైదువులు కళశాలతో ఊరేగింపు

సిరుగుప్ప, న్యూస్‌టుడే: స్వాతంత్య్ర సమర యోధుల త్యాగాలు, ఆదర్శాలను భవిష్యత్తు తరాల వారికి అందించేందుకు ప్రభుత్వ యంత్రాంగం ఆధ్వర్యంలో చేపట్టిన అజాదీ కీ అమృత మహోత్సవం, అమృత భారతి కన్నడ హారతి కార్యక్రమాన్ని సోమవారం తహసీల్దార్‌ కార్యాలయ ఆవరణలో శాసనసభ్యుడు ఎం.ఎస్‌.సోమలింగప్ప డోలు  వాయించి ఊరేగింపు ప్రారంభించారు. విద్యార్థులు, ముత్తైదువులు కళశాలు, వాద్య బృందాలు, మేళతాళాలు వంటి వాటితో వివిధ నృత్యాలతో పట్టణ ప్రధాన రహదారులు, కూడళ్ల మీదుగా తాలూకా క్రీడా మైదానానికి చేరుకున్నారు. తహసీల్దార్‌ మంజునాథ స్వామి, సాంస్కృతిక శాఖ సహాయక నిర్దేశకుడు సిద్దలింగేశ్‌ రంగణ్ణనవర్‌, స్త్రీ, శిశు సంక్షేమ శాఖ అధికారి జలాలప్ప, విద్యాశాఖ అధికారి పి.డి.భజంత్రి, కార్యక్రమ సంచాలకుడు ఎం.ఎస్‌.సిద్దప్ప పాల్గొన్నారు.