మోపిదేవి మండలంలో నలుగురికి కొవిడ్‌

మోపిదేవి : మండల పరిధిలోని మెరకనపల్లి మండల పరిషత్‌ ప్రాథమిక పాఠశాలలో చదువుతున్న ఇద్దరు విద్యార్థులకు కొవిడ్‌ సోకింది. దీంతో పాఠశాలకు సెలవులు ప్రకటించారు. బుధవారం పాఠశాలలోని 23మంది విద్యార్థులకు కరోనా పరీక్షలు చేయగా.. అందులో ఇద్దరికి పాజిటివ్‌ వచ్చింది. ఎంఈవో ఆదేశాల మేరకు పాఠశాలను తాత్కాలికంగా మూసివేస్తున్నట్లు హెచ్‌ఎం పద్మజ తెలిపారు. ఈవోపీఆర్డీ అరుణకుమారి, పంచాయతీ సెక్రటరీ రామ కోటేశ్వరరావులు పాఠశాలకు వెళ్లి శానిటైజేషన్‌ చేయించారు. 

ఇద్దరు స్టేట్‌ బ్యాంక్‌ ఉద్యోగులకు కూడా కొవిడ్‌ నిర్ధారణ కావడంతో బ్యాంకుకు రెండు రోజులు సెలవులు ఇస్తున్నామని మేనేజర్‌ సుబ్రహ్మణేశ్వరరావు తెలిపారు. సోమవారం నుంచి కార్యకలాపాలు యథావిధిగా ప్రారంభిస్తామని ఆయన తెలిపారు.