జనసేన ఉమ్మడి కార్యాలయం ప్రారంభం

ఘంటసాల: శ్రీకాకుళంలో జనసేన పార్టీ ఉమ్మడి కార్యాలయాన్ని తెదేపా నాయకులు ప్రారంభించారు. ఘంటసాల మండల తెదేపా అధ్యక్షుడు తుమ్మల చౌదరి బాబు, జనసేన నాయకుడు బాలకోటేశ్వరరావు, నాయకులు పరుచూరి సుభాష్ చంద్రబోస్, తాడికొండ వెంకటేశ్వరరావు, శ్రీనివాసులతో కలిసి శుక్రవారం ప్రారంభించారు. శ్రీకాకుళానికి చెందిన తాడికొండ సాయి మిత్రబృందం, తెదేపా, జనసేన, భాజపా నాయకులు ప్రారంభోత్సవంలో పాల్గొన్నారు. అవనిగడ్డ నియోజకవర్గం కూటమి ఎమ్మెల్యే అభ్యర్థి మండలి బుద్ధ ప్రసాద్, మచిలీపట్నం కూటమి ఎంపీ అభ్యర్థి వల్లభనేని బాలశౌరీలను గెలిపించాలని ప్రజలను కోరారు.